Tun hnaia media hrang hrang ah hmarchhak state-a dan leh thupek kenkawh chungchang leh Armed Forces Special Power Act hman chungchang inhnialna chuan mipui mimir leh mihring dikna humhalh duhtu te zingah bengvar a hlawh sawt hle a. An thu vawrh chhuah thenkhat erawh chuan hmarchhak bial an hriatchian tawk loh zia a tarlang thung.
Kan hriat chian hmasak ber tur chu hmarchhak bial kan tih hian state 8 - Assam, Arunachal Pradesh, Manipur, Mizoram, Meghalaya, Nagaland, Tripura & Sikkim - te a huam a. Heng state-a buaina leh innghirnghona te kan chhui chian tak tak dawn chuan chutiang helna te chu Assam leh Manipur hmun thenkhat ah te chauh kan hmu ang. Nagaland bikah phei chuan tun dinhmun ah ngat chuan NSCN (I&M Group) ten inkahhaina an pawm chinah chuan buai sawi tur a awm meuh lo. Naga pawl inep tak pahnih NSCN (I&M Group) leh NSCN (K) te inkara inbeihna a chhuak zeuh zeuh thin tih mai lo chu. Hei hi a chhan ber chu NSCN (I&M Group) leh sorkar laipui ten inremna zawnga hma an lak mek vang a ni a. Chumi karah pawl leh lamin an la awm ve reng thu hriattir an duh vang leh thlauhthlak an hlauh vang a ni. Arunachal Pradesh-ah chuan buaina sawi tur a awm lova; sipaiin Assam hel pawl ULFA te an um leh state pahnih ramri kara inbeihna a chhuak zeuh zeuh thin tih mai lo chu. Sikkim leh Mizoram phei chu a muanawm thlawt a. Meghalaya ah pawh buaina lian tham sawi tur a awm lo bawk, tribal hnam thenkhat inkara buaina tenau avanga bandh huaihawt thin tih mai loh chu. Heng zawng zawng hi mipui rorelna democracy in a ken tel ve hrim hrim an ni thei ang. Tripura ah pawh tun hma deuh kha chuan buai sawi tur a awm thin. Mahse chung chu kuakhirh fel ni tawhin muanna boruak an nei mek bawk.
Tarlan tak atanga thil lang chiang chu hmarchhak state zawng zawng te hi rambuai a chhal vek tur an ni lo. Hmarchhak biala an harsatna hrang hrang an neih te kan hriat thiampui lo zia a nemnghet zawk a ni. Helai biala state te reng reng hi in ang pakhat mah an awm miah lova, thudik zawk erawh chu state tin te hian mahni tawkah harsatna an nei theuh a ni. Ram leilung pianhmang a zira hmarchhak bial tia sawi hlawh mai an ni zawk.
Armed Forces Special Power Act (AFSPA) sawichhuah nikhua apianga hmarchhak bial pum huapa kenkawh ni mai awma sawi chu thil mak tak a ni. Hei aia thu belhchian dawl lo leh thil pawi tur a awm awm love. AFSPA hi Manipur, Assam leh Nagaland hmun thenkhat ah te chauh hman an ni a, hmarchhak hmun dangah erawh chuan hman a ni lo. He Dan hi engtia lo piang nge a ni hriat thiam a pawimawh bawk. Ramchhung khawiah pawh dan leh thupek a tlakhniam hunah leh dan kengkawhtu te an hlawhchham ni ah te sipai pun a tul ta thin a. Chutiang dinhmun khirh bik hmachawn tur chuan sorkar laipui chuan a bika Dan siam a tul in a hria a. Parliament-in Armed Forces Special Act 1958 a duang ta a ni. State sorkar remtihna hmangin hmun bik ah leh hun bituk neia hman chi chauh a ni nghe nghe. Vanduaithlak takin, hmun thenkhat ah chuan boruak a khirhkhan zel thin avangin he Dan hi pawhsei a tul thin.
He Dan chungchanga thil hriat thelh dang pakhat chu sipaiten a hleihluaka kenkawh leh chelek ni anga sawi thin hi a ni. Chutiang chu lo ni ta se, a do letna helna lian tham a chhuak ngei ta ve ang. Buaina kal meka kan hriatchhuah fo tur thil awm chu tum lawk vang reng ni lova duh aia naa chetna a chhuak palh thei a ni tih hi. Chutiang chuan sawi pawh a hlawh duh nameuh mai a, chutih laiin sipaite hnathawh thatin fak a hlawh ngai lo hian sipaite chu misual angin an chhuah thin a ni. Tan lam nei sa rana media kutchhuak vawi duai lo kan hmu. Hetiang thu sepsel te hi ram pum huap ang pawha kan bengvar leh hriat nuam kan tih zawng a ni miau si a. Thuchhuah tur an inchuh luatah a tuartu chu thudik a ni fo thin. Kan hriat tura chu sipaite hian an mahni thu ngawtin hna an thawk lova, hunin a zir ang zel zawkin state sorkar ten an kutah thuneihna an hlan mai thin a ni zawk.
An chet hleihluak thuah pawh Armed Forces mi leh sa te hian hrem an pumpelh thin nia kan hriat hi thu dik lo a ni. An inthununna khauh tak hi an chakna hnar a ni zawk. An chetphung reng reng uluk taka thlithlai reng a niin hrem phu te chu thla hnih khat chhung maiin hrem thin an ni. Chutiang ang a ranga hma la thin pawl dang awm ve tak maw? Pawikhawih tute zalen taka an veivah leh thil sual titu te a kum a kum ral fe hnua hrem an ni chauh thin vawi tam tak kan hre fo.
Heti chung chung hian, he Armed Forces Special Power Act hi her rem hret hret a tul nia hriain sorkar laipui pawhin ngaihtuahna a seng mek reng a ni.
A tawp berah chuan hmarchhak bial chungchang ah hian a chhuanchhe zawnga thuthan bansan ila. India nawlpui zinga pakhat niin ram chhung hmun dangte ai thlawt chuan tharum thawhna lam hawi sawi tur pawh kan nei tlem zawk phian a ni. Kan state thenkhat phei chu 'muanna thliarkar' tia sawi ngam an ni a, an thenawm state dangah te pawh remna leh muanna a len thuai a beisei awm tak zet a ni.
Chutiang bawkin, sipaite te hi India khua leh tui an ni vek a, muanna hlutzia hrechiang em em tu te vek an ni. Ram himna leh ram pawn atanga beihna laka venhim chu an hna pui ber a ni. Vanduaithlak takin, ram chhungah dan leh hrai kengkawhtu te an hlawhchham changin loh theih lova, an duh vang reng ni lovin, sipaite chu pun thin an ni chauh zawk. An hna pui ber ram dang laka ram venhim chu an mut mawh hnar mawh a ni zawk. A chhuanchhe zawnga kan chhuah fo hian anmahni tan pawh a rilru nat thlakin anmahni tihnualtu a ni zawk thin. Mitin chungah dik tum ila, thil dik lo dovin thil tha erawh chawisang ila. Tan lam bik nei thu leh hla i bansan ang u.
Dan leh thupek bakah ram chhung buaina te hi hnam pum harsatna a ni tih hre rengin a hnam pum anga kan do tur chi an ni. Ram pum muanna turin theihtawp chhuah thar ila, ram dangte entawn tlak ram nuam siam turin tan i la thar theuh ang u.
Tarlan tak atanga thil lang chiang chu hmarchhak state zawng zawng te hi rambuai a chhal vek tur an ni lo. Hmarchhak biala an harsatna hrang hrang an neih te kan hriat thiampui lo zia a nemnghet zawk a ni. Helai biala state te reng reng hi in ang pakhat mah an awm miah lova, thudik zawk erawh chu state tin te hian mahni tawkah harsatna an nei theuh a ni. Ram leilung pianhmang a zira hmarchhak bial tia sawi hlawh mai an ni zawk.
Armed Forces Special Power Act (AFSPA) sawichhuah nikhua apianga hmarchhak bial pum huapa kenkawh ni mai awma sawi chu thil mak tak a ni. Hei aia thu belhchian dawl lo leh thil pawi tur a awm awm love. AFSPA hi Manipur, Assam leh Nagaland hmun thenkhat ah te chauh hman an ni a, hmarchhak hmun dangah erawh chuan hman a ni lo. He Dan hi engtia lo piang nge a ni hriat thiam a pawimawh bawk. Ramchhung khawiah pawh dan leh thupek a tlakhniam hunah leh dan kengkawhtu te an hlawhchham ni ah te sipai pun a tul ta thin a. Chutiang dinhmun khirh bik hmachawn tur chuan sorkar laipui chuan a bika Dan siam a tul in a hria a. Parliament-in Armed Forces Special Act 1958 a duang ta a ni. State sorkar remtihna hmangin hmun bik ah leh hun bituk neia hman chi chauh a ni nghe nghe. Vanduaithlak takin, hmun thenkhat ah chuan boruak a khirhkhan zel thin avangin he Dan hi pawhsei a tul thin.
He Dan chungchanga thil hriat thelh dang pakhat chu sipaiten a hleihluaka kenkawh leh chelek ni anga sawi thin hi a ni. Chutiang chu lo ni ta se, a do letna helna lian tham a chhuak ngei ta ve ang. Buaina kal meka kan hriatchhuah fo tur thil awm chu tum lawk vang reng ni lova duh aia naa chetna a chhuak palh thei a ni tih hi. Chutiang chuan sawi pawh a hlawh duh nameuh mai a, chutih laiin sipaite hnathawh thatin fak a hlawh ngai lo hian sipaite chu misual angin an chhuah thin a ni. Tan lam nei sa rana media kutchhuak vawi duai lo kan hmu. Hetiang thu sepsel te hi ram pum huap ang pawha kan bengvar leh hriat nuam kan tih zawng a ni miau si a. Thuchhuah tur an inchuh luatah a tuartu chu thudik a ni fo thin. Kan hriat tura chu sipaite hian an mahni thu ngawtin hna an thawk lova, hunin a zir ang zel zawkin state sorkar ten an kutah thuneihna an hlan mai thin a ni zawk.
An chet hleihluak thuah pawh Armed Forces mi leh sa te hian hrem an pumpelh thin nia kan hriat hi thu dik lo a ni. An inthununna khauh tak hi an chakna hnar a ni zawk. An chetphung reng reng uluk taka thlithlai reng a niin hrem phu te chu thla hnih khat chhung maiin hrem thin an ni. Chutiang ang a ranga hma la thin pawl dang awm ve tak maw? Pawikhawih tute zalen taka an veivah leh thil sual titu te a kum a kum ral fe hnua hrem an ni chauh thin vawi tam tak kan hre fo.
Heti chung chung hian, he Armed Forces Special Power Act hi her rem hret hret a tul nia hriain sorkar laipui pawhin ngaihtuahna a seng mek reng a ni.
A tawp berah chuan hmarchhak bial chungchang ah hian a chhuanchhe zawnga thuthan bansan ila. India nawlpui zinga pakhat niin ram chhung hmun dangte ai thlawt chuan tharum thawhna lam hawi sawi tur pawh kan nei tlem zawk phian a ni. Kan state thenkhat phei chu 'muanna thliarkar' tia sawi ngam an ni a, an thenawm state dangah te pawh remna leh muanna a len thuai a beisei awm tak zet a ni.
Chutiang bawkin, sipaite te hi India khua leh tui an ni vek a, muanna hlutzia hrechiang em em tu te vek an ni. Ram himna leh ram pawn atanga beihna laka venhim chu an hna pui ber a ni. Vanduaithlak takin, ram chhungah dan leh hrai kengkawhtu te an hlawhchham changin loh theih lova, an duh vang reng ni lovin, sipaite chu pun thin an ni chauh zawk. An hna pui ber ram dang laka ram venhim chu an mut mawh hnar mawh a ni zawk. A chhuanchhe zawnga kan chhuah fo hian anmahni tan pawh a rilru nat thlakin anmahni tihnualtu a ni zawk thin. Mitin chungah dik tum ila, thil dik lo dovin thil tha erawh chawisang ila. Tan lam bik nei thu leh hla i bansan ang u.
Dan leh thupek bakah ram chhung buaina te hi hnam pum harsatna a ni tih hre rengin a hnam pum anga kan do tur chi an ni. Ram pum muanna turin theihtawp chhuah thar ila, ram dangte entawn tlak ram nuam siam turin tan i la thar theuh ang u.
