2850/2023-2024

2023 Sahmulphah thla ni 25: Nimin, November ni 24, 2023 khan Directorate of Ayush, Health & Family Welfare Department, Government of Mizoram hma laknain Home Missions School, Kolasib-ah Ayurvidya (School Health and Education Programme) buatsaih a ni.

District Hospital Kolasib aṭangin Senior Medical Officer (Ayush) Dr C. Vanlalhlimpuia hovin Dr Lalrinzuali, Medical Officer, Health and Wellness Centre leh thawktu dangte'n hun hi an hmanpui a. SMO (Ayush) Dr C. Vanlalhlimpuia chuan powerpoint presentation hmangin Ayush System of Medicine chungchang leh hriselna leh thianghlimna inkungkaih dan a zirtir a. Physical & Stress Management Instructor Pu R. Lalhmangaihzuala’n zirlaite chu basic yoga exercise zirtirin, hrisel nana taksa sawizawi pawimawhzia a zirtir bawk a ni.

He hunah hian a thlawna inentirna (free clinic) buatsaih nghal niin, zirlai leh zirtirtu mi 97 hriselna dinhmun endik a ni a. A thlawnin damdawi eng emaw zat sem a ni bawk.