2021.09.25 Revised Entry SOP.pdf
Aizawl, the 27th September, 2021: Mizoram sawrkar Health & Family Welfare Department chuan Mizoram pawn atanga lo lut te zawm tur inkaihhruaina thar “Revised Standard Operating Procedure (SOP) for Covid-19 test at Mizoram State Entry Points” chu September ni 25, 2021 khan a tichhuak.
Mizoram pawn hmun dangah Covid-19 hri kai an kiam tak hle avangin, State pawn atanga lo lutte entry point-a Covid-19 test/ screening kalpui dan chu uluk taka ennawn a ni a. A hnuaia mi ang hian entry points Covid-19 test/ screening kalpui dan chu siam that a ni. He inkaihhruaina hian hemi chungchanga inkaihhruaina, Memo No. ngai hmanga dt. 10.08.2021 a lo tih chhuah chu a luahlan ang a, tih chhuah a nih atanga thuleh awm hma chu hman tur a niang:
1. State pawn atanga Mizorama lo lutte chuan Home Department Order ding laite an zawm vek ang a, an lo luhna (entry point) ah RAgT (Rapid Antigen Test) hmanga en dik{screen)an ni ang. RAgT positive te chu enkawl dan tur ding lai(protocol)angin enkawl zui tur an ni ang.
1.2 A chunga sawi anga test, Covid-19 negative report neite chu Sorkar/ Deputy Commissioner-in a ruatsak hmuna ni nga chhung khung hran (quarantine) hnuin RT-PCR/ TrueNat hmanga test tur an ni a, an negative chuan quarantine atangin an chhuak thei ang.
1.3 RAgT test-a negative te reng reng hian symptom an neih phawt chuan RT- PCR/TrueNat hmanga test leh thuai tur an ni a. An negative pawhin Para 1.2 a sawi ang bawk hian ni nga chhung quarantine a, RT-PCR/ TrueNat hmanga test ve leh vek tho tur an ni.
2. Exemption: Mizorama lo lutte chu Covid-19 symptom nei lo an nih chuan -
(1) An lo luh hma darkar 72 chhunga RT-PCR/ TrueNat/ CBNAAT hmanga Covid-19 test negative report, SRF-ID dik tak awm Screening Point duty-te an hmuh chuan Entry Point Screening leh Quarantine an ngai lovang.
(2) Covid Vaccine dose hnih an lak tawha, dose hnihna an lak atangin ni 15 tal a liam tawh tih tarlanna Full Dose Vaccination Certificate (cowin portal atanga download)emaw,
Covid-19 hri kai dam leh an niha, an dam fel atanga thla thum a la ral lohva, chu mi tichiangtu atana Discharge Certificate, Screening Point duty-te an hmuh chuan:
Entry Point Screening leh Quarantine an ngai lo vang a. Amaherawhchu, ni sarih chhung chu uluk taka Covid-19 hri léng kara khawsak dan tur (Covid Appropriate Behaviour — CAB) ziaawm chungin, mahni hrisélna an inchik (self-monitor) ang.
3. Mizorama lo lutte chu, eng Certificate pawh keng mah se, Covid-19 hri kai tih hriatna (symptom) an neih phawt chuanPara1—1.3 a sawi anga test vek tur an ni.
4. Self-/Monitoring (mahni hriselna inchik): Mahni hriselnain chik tura tithe chuan Covid-19 avanga harsatna awm theite hi an nei em tih an inchik reng ang a. An inrinhlelh phawt chuan bialtu CMO/MedicalOfficer/Helpline(No.102/0389-2323336/03892322336/03892318336) ah thurawn an la ngei ngei tur a ni:
i. Khawsik.
ii. Rim hriatna hloh/ tlahniam.
iii. Hrawkthip leh nuamlo.
iv. Khuh.
v. Thawhah.
vi. Taksa sil leh na them thum.
vii. Pumna.
viii. Kawthalo.
ix. Luhai.
x. Chaw ei tuilo.
xi. Chau ngawih ngawih.
4.1 Self-Monitoring lai hian CAB— “midang hlata awm, hnar leh ka tuama mask vuah, kutsilfai/hand sanitizer hman fo tur” tih te hi tha takin an zawm reng ang.
