2466/2023-2024

Hnahthial the 24th October 2023: Kumin inthlanpui lo thleng tur inbuatsaihna chu Hnahthial-ah chak taka kalpui mek a ni a, inthlanna felfai tak neih a nih theih nan District Election Office, Hnahthial chuan theihtawp a chhuah mek zel a ni. Chumi inbuatsaina kal zelah vawiin khan Hnahthial District a 29-South Tuipui (ST) Assembly Constituency Assistant Returning Officer (ARO) 2, Pu Neng Thianlala, SDO (S) ni bawk leh Pi Betty Lalrinfeli, SDC ni bawk te chuan polling officials te training an pe a ni.

Vawiin training hi Absentee Voters Senior Citizens (AVSC), kum 80 chung lam voter-te leh Absentee Voters in the category of Persons with Disabilities (AVPD) polling official-te tana buatsaih a ni a, polling station a kal kher ngai lova, postal ballot hmanga vote an thlak theihna tura ruahman niin hei hian voter turn-out percentage (za zela vote tla) a tih san phah ngei beisei a ni. Postal Ballot hmanga vote thlak dilna hi BLO te kaltlanga puanzar a lo ni tawh a, tun dinhmunah South Tuipui AC huam chhungah AVSC mi 50 leh AVPD Mi 3 ten postal ballot hmangin vote an thlak thei dawn a ni.