4326/2023-2024 

Hnahthial the 22nd March, 2024: Hnahthial District Election Officer, District Bawrhsap ni bawk Pu Chuauhnuna hovin vawiin khan DC Meeting Hall, Rallang tlang-ah kan hma lawka Lok Sabha inthlanpui lo thleng tur chungchangah thutkhawmna neih a ni.

Thutkhawm kaihruaitu Pu Chuauhnuna chuan Election Expenditure Monitoring (EEM) Team-te chu inthlanna thianghlim leh fel a awm theih nan an pawimawh hle a ti a,an mawhphurhna leh chanvo theuhah inthlahdah lova theihtawp chhuah turin a chah. District Election Officer chuan Team hrang hranga ruatte ngaituahin kumin MP inthlan lo thleng tur chu a thlamuanthlak hle a ti a, duty tura ruatte chu koh theih a awm reng turin a chah bawk. EEM hnuaia team hrang hrang- Flying Squad team, Video Surveillance Team, Static Surveillance team, Accounting Team-te leh Video Viewing Team-te thawhhona tha a pawimawh takzet a ti a, in rawn tawn chunga inthlanpui felfai tak neih a nih theih nan thahnemngai taka thawk turin a fuih a ni.

EEM Nodal Officer Pu Zothanmawia Khiangte pawhin he hunah hian thu sawiin Nodal a nihna angin tul leh pawimawh apiangah rawn theih reng a nih thu a sawi a, team hrang hrangte thawhhopuiah a sawm bawk.

Vawiin thutkhawmah hian team hrang hrangte chuan an hnathawh chanchin tlangpui tarlanna an nei a, zawhna leh chhanna hun te hman niin hun hlawk thlak tak hman ho a ni. District Bawrhsap Pu Chuauhnuna leh Addl DC Pu Zothanmawia Khiangte te bakah Election Officer Pu Lalbiakfela te leh EEM hnuaia team hrang hrangte an kalkhawm a ni.