2217/2023-2024

Hnahthial the 9th October 2023: Vawiin khan Hnahthial District Level Media Certification & Monitoring Committee (MCMC) chu District Election Officer Pu Chuauhnuna hovin DC Conference Hall, Rallang tlang-ah an thukhawm a, Mizoram Legislative Assembly inthlanpui, 2023 a an hna chanpualte enhoin political advertisement leh paid news chungchang inhrilhhriatna an nei.

DEO, District Bawrhsap ni bawk Pu Chuauhnuna chuan inthlanpuia MCMC mawhphurna te tarlangin an hna chanpual chu thahnamngai taka thawk theuh turin a chah a, inthlanpui tluang leh felfai tak neih a nih theih nan theihtawp chhuah turin a sawm a ni.

Vawiin MCMC thutkhawm-ah hian Hnahthial District MCMC Member Secretary Pi K Ngosai, District DIPRO chuan committee nihphung leh mawhphurna hrang hrangte presentation pein MCMC chungchangah member-te hrilhhriatna a nei bawk a ni. He hunah hian District Bawrhsap Pu Chuauhnuna bakah Returning Officer, Addl. DC ni bawk Pu Lalvenhima leh MCMC memberte, chanchinbumite an tel a ni.