3677/2023-2024

Hnahthial the 6th February 2024: General Election to Lok Sabha 2024 lo awm tura inbuatsaihna kalzelah vawiin chawhma dar 10:30 khan Lunglei, Hnahthial leh Serchhip District Electoral Roll Observer Pi K Lalrinzuali IAS, Secretary, DM&R, Horticulture & LRS&WC Department chuan Electoral Roll Special Summary Revision 2024 neih mek chungchangah Hnahthial tlawhin election official-te meeting a neihpui.

Hnahthial DC Meeting Hall-a inkawmhonaah hian Pi K Lalrinzuali, IAS chuan ‘ram roreltu tur thlang thin ram (democracy) a cheng kan ni hi a hlu takzet’ a ti a, democracy chak leh hlawhtling tak siam turin mahni dikna chanvo chawi nung a, mawhphurhna hlentu ni theuh tura mitin a duh thu a sawi. E-roll Observer Pi K Lalrinzuali, IAS chuan electoral roll felfai tak nei tur chuan Election Official-te bakah Political Party leh tlawmngai pawl te thawhhona a pawimawh hle a ti a, Electoral Roll a chuang tur dik tak te an chuan a, paih ngai leh siamthat ngai te dik taka siam tha a, felhlel deuh te siamtha zung zung thei turin thawhhona a pawimawh hle a ni, a ti bawk. Mizoram chu ram ralmuang a nih angin election kaihhnawiha buaina liamtham leh buarchuar a awm ngai lem lo a ti a, mipui leh tlawmngai pawl te inpekna rah a ni tiin, roll dik, tha leh rintlak nei tura venpui thin tu an ni a ti a, chhuanawm a ti hle tih a sawi. Kan hma lawka inthlan lo awm turah pawh theihtawp chhuah pui a, inthlanna thianghlim tak a awm theihna turin thawhhopuiah a sawm bawk.

Electoral Roll Observer hova meeting-ah hian Hnahthial District Election Officer Pu Lalbiakfela chuan special summary revision neih meka roll dinhmun tlangpui report a pe a, report in a tarlan danin Form -6 (Addition) 127 a lut a, 85 pawm niin pending 8 a awm. Form 7 (Deletion) ah 168 a lut a, 130 pawm niin 38 pending a awm bawk. Form 8 (correction) bikah 155 a lut a, 149 pawm niin 6 hnawl a ni a, 4 pending awm bawk a ni. South Tuipui biala final e-roll hi February ni 8 a tihchhuah a nih dawn thu a tarlang bawk.

Vawiin inkawmhona hi Hnahthial District Addl DC Pu Lalvenhima  chuan kaihruaiin election official te bakah Hnahthial town chhunga BLO te, NGO hrang hrang aiawhte, political party aiawhte a tel a ni. E-roll Observer Pi K Lalrinzuali, IAS hian tukin khan Hnahthla DIsitrict Horticulture Office a tlawh a, an dinhmun te enpuiin department hotute a kawmna a lo nei tawh bawk.