2539/2023-2024

Hnahthial the 30th October 2023: Mizoram Legislative Assembly 2023 inthlanpui chu tluang taka neih a nih theih nan 29-South Tuipui (ST) A/C Polling Station hrang hranga hman tur EVM commissioning chu vawiin khan DC Conference Hall Hnahthial-ah neih a ni.

Commissioning-ah hian 29-South Tuipui AC huam chhunga Polling Station hrang hrang a hman tur Electronic Voting Machine (EVM) ; Control Unit (CU), Balloting Unit (BU) leh Voter Verifiable Paper Audit Trail (VVPAT) ruat fel tawhte chu inthlan ni a hman theih tawh tura buatsaih fel an ni. EVM khawl te hi commission zawh a nih chuan strong room a dah luh an ni ang a, inthlan ni ah chauh lakchhuah a ni tawh dawn a ni. Vawiina commissioning-ah hian Election General Observer, Pu Mohammad Qaiser Abdulhaque, IAS bakah District Bawrhsap leh DEO Pu Chuauhnuna, Returning Officer, Addl DC ni bawk Pu Lalvenhima, Election Officer Pu Lalbiakfela, ARO leh SDC ni bawk Pi Betty Lalrinfeli bakah political party aiawhte leh chanchinbumite an tel a ni.