2454/2023-2024

Hnahthial the 23rd October 2023: Vawiin khan DC Office, Hnahthial-ah MLA General Election 2023 a vote thlakna tur hmanruate thliar fel hna (randomization of EVM) thawhhnihna chu South Tuipui (ST) AC General Observer Pu Mohammad Qaiser Adbulhaque hova neih a ni.

Election Commission of India ruahmanna angin randomization thawhhnihna ah hian randomisation thawhkhatna a EVM khawl thlan chhuah sa te kalna tur Polling Station chu computer software hmanga thlan chhuah a ni a, South Tuipui Assembly Constituency huam chhunga Polling Station 27 a hman tur te chu duhthlan bik awmlo a kaltir a ni.

He hunah hian DEO Pu Chuauhnuna bakah South Tuipui AC RO, Addl DC ni bawk Pu Lalvenhima, ARO leh SDO (S) Pu Neng Thianlala , Election Officer Pu Lalbiakfela te, SDC Pi Betty Lalrinfeli bakah political party hruaitu aiawhte leh chanchinbumite an tel a ni.