660/2024-2025

Hnahthial the 4th June, 2024: Kumin Lok Sabha MP Inthlan result chu vawiin khan Hnahthial District-ah tluang taka chhiar zawh a ni a, District a Assembly Segment awmchhun 29-South Tuipui bialah chuan vote tla te hi DC Conference Hall-ah chhiar niin boruak muanawm tak hnuaiah chhiar zawh fel a ni.

Vote chhiar hi District Election Officer, Additional Returning Officer ni bawk Pu Chuauhnuna leh Counting Observer Pi Jyoti Gogel (SCS) te kaihhruaina hnuaia neih a ni a, Counting table hi 14 ruahman niin vote chhiar hi Round 2 a zawh fel a ni.

Kumina Lok Sabha MP inthlanah hian 1-Mizoram Parliamentary Constituency atangin Candidate 6 an awm a, South Tuipui bial bikah candidate tin te vote hmu dan chu a hnuai tarlan ang hi a ni.

1. Lalbiakzama (INC) - 2031

2. Richard Vanlalhmangalha (ZPM) - 4274

3. Vanlalhmuaka (BJP) - 74

4. K. Vanlalvena (MNF) - 2574

5. Rita Malsawmi (PC) - 41

6. Lalhriatrenga Chhangte (Ind) - 75

7. NOTA - 19

Tarlan tawh angin South Tuipui bialah hian vote 16223 awmin kumin MP Inthlanah khan vote 9088 a tla a, hei hi za zelah 56.02 a ni.