National Disaster Response Force (NDRF) 1st Batallion Guwahati mithiamten vawiin khan Bazar Kawn, Hnahthial-ah chhiatna thlen thulha chet lak dan tur zirtirna demonstration an nei a. He hun hi Hnahthial School hrang hrang naupang ten an chhim a, naktuk lamah High School tual-ah neih chhunzawm leh a ni ang.

He hunah hian Pu H. Lalramliana, Hnahthial SDO (C) chuan thu sawiin National Disaster Response Force (NDRF) chu India ram hmun hrang hrangah tuilian te, lirnghing te, building chim te a thlen a, miin thihna leh chhiatna an tawha tanpuitu an ni a, chhanchhuah hna leh mibo zawn hna thawk tura a hranpaa thiamna hrang hrang nei te an ni, a ti a. Tun dinhmunah vanneih thlak takin Hnahthialah chhiatna lian tham kan la tawk lova, mahse engtik hunah pawh leilunga chhiatna lirnghing te, building chim te emaw kan tawk their eng kan nih avangin NDRF mithiamten ziritrna hi an pe dawn a ni, a ti a.  Hnahthial mipuiten an tangkaipui ngei a beisei thu a tarlang bawk.

Inspector RK. Rashan 1st Batallion NDRF pawhin thu sawiin, khuarel chhiatna a lo thlen thulh a chet lak dan tur kan rawn entir dawn a, hetiang chhiatna lo thlen laia chet lak dan te, a hnu leh lama chet lak dan turte kan rawn entir dawn a ni. Kan hnathawh ber chu mi chhanchhuah niin, lirnghing a ni emaw, tuilian leh rail chesual te, accident chi hrang hrang a thlen huna midangte pui tura din kan ni a, hetiang a thlen thulha chet lak dan tur kan rawn entir dawn che u a ni a ti.