No.2704/2021-2022

Aizawl the 24th October, 2021 : Nimin khan Hnahthial Bawrhsap leh DLTF Chairman ni bawk Pu R. Lalremsanga, Hnahthial DTLF Secretary Dr. Lalrengpuii Ralte, MO, Pu Mickey Lalenkawla, DEO leh DLTF member te chuan Thiltlang an tlawh a, "All Mask Campaign" kalpui mekah mask, hand sanitizer leh pawisa fai Rs. 10,000 Covid-19 damlo enkawlna 3C-a hman turin an hlan.

Thiltlang VCP Pi J. Lalbiakengi kaihhruai in khawtlang hruaitu VC te, NGO, Zirtirtute nen inkawmkhawmna an nei a, hetah hian Hnahthial District Bawrhsap Pu R. Lalremsanga chuan thu sawiin Hnahthial District-a a rawn awm hian tum bulfuk tak a neih thu sawiin ram changkan leh changkan loh tehna pawimawh tak chu Hriselna hi a ni a, hriselna kawnga hmasawnna ber district,  Faina leh Thianghlimna kawnga district ti tha ber, ziak leh chhiar thiam tamna district ni tur tan lak, zuk leh hmuam bakah ruihhlo chi hrang hranga laka fihlim ber district ni tura tan lak te a nih thu a sawi a. Heng zawng zawng hlawhtlinna tur chuan mipuite hi a pawimawh ber kan ni tiin Hripui Covid-19 avangin nikum lam atangin zirlai naupang in zirna an chhunzawm thei tawh lova, naupangte hi nakin lawka kan khawtlang, kan ram min hruaitu tur an ni a, zirna an bahlah rei chuan kan tuar dawn a, DTLF meeting chuan Covid Appropriate Behaviour (CAB) zawm chungin a theih dan ang anga zirna kalpui chhunzawm nise kan ti a, hei hi nangni pawhin in zawm kan duh a ni, a ti. 
 
He hunah hian Dr. Lalrengpuii Ralte, Medical Officer leh Secretary DLTF pawhin Covid-19 laka him na tur leh "All Mask Campaign" in a tum te a sawifiah a, Pu Mickey Lalenkawla, DEO pawhin Covid-19 avanga zirlaite harsatna tawh fimkhur tak chung si a zirna chhunzawm a pawimawh zia a sawi bawk.

Thiltlang VLTF report a tarlan a nih dan in Thiltlangah hian Covid-19 active case 35 an enkawl mek a ni.

Attachment

  • Loading attachment...