3896/2024-2025

Dated Hnahthial, the 21st January, 2025: Vawiin khan DIPRO pisa-ah District Information & Public Relations Officer (DIPRO), Pu F. Lalrinfela leh Hnahthial District Mizoram Journalist Association (MJA) member te chuan inhlantharna hun an hmang.

He inhlantharna hunah hian DIPRO, Pu F. Lalrinfela chuan MJA member-te hnenah sawmna te ngai pawimawh a an rawn kal khawm chu lawmawm a tih thu sawiin an inlungrualna chu fakawm a tih thu a sawi a. Mahni hna chu rawngbawlna pawimawh tak a ni tih hre reng chunga an hna chu thawk chhunzawm zel tura a duh thu sawiin thawhhonaah intihthiam lohna lo awm thin pawh ni se, hnung lama insawisel tawn mai lova, insiamthat nana kan hman tlan a pawimawh zawk a ni a ti a. MJA member te chuan sawrkar an dawrna kawngah harsatna te an tawk anih chuan ngawih bopui mai lo tura chahin a hnena rawn thlen thin tura a duh thu a sawi a. Thawh hona tha tak an neih chhunzawm zel a beisei thu a sawi bawk.

Hnahthial MJA member te chuan hetiang inhmukhawmna hun tha tak siam a ni chu lawmawm an tih thu an sawi a. An vei zawng leh an harsatnate chu DIPRO hnenah thlenin sawrkar nena thawh hona tha zawk an neih theih dan tur te sawiin hun hman a ni.

Hnahthial District-ah hian MJA member hi paruk (6) awmin tun dinhmunah hian Pu F. Zosangliana, Pu C. Lalbuatsaiha, Pu Rodingluaia, Pu CS Vanlalthara, Pu H. Lalthanghuta leh Pu VL Liansanga te chu member ni lai mek an ni.