2937/2023-2024
Hnahthial the 4th December 2023: November ni 7, 2023-a Mizoram Legislative Assembly Inthlanpui, 2023 buatsaiha Hnahthial District chhunga 29-South Tuipui (ST) AC result chu vawiin khan DC Conference Hall- ah zing dar 8:00 aṭangin chhiar ṭan a ni a, tluang takin chhiar zawh a ni.
Counting Hall-a vote chhiar hi Returning Officer Pu Lalvenhima, Addl DC ni bawk leh Assistant Returning Officer, Pu Neng Thianlala leh Pi Betty Lalrinfeli te chuan ṭhut chilhin, Election Commission of India (ECI)-in vote chhiar dan endik leh vil tura a ruat Counting Observer Pu Mohammad Qaiser Abdulhaque,IAS in a ṭhut chilh bawk a ni. South Tuipui biala polling station 27 awma vote tla te chu dawhkan 9-ah round 3 a chhiar a ni a, table tinah Counting Supervisor, Counting Assistant, Micro Observer te leh candidate agent te an thu bawk a ni. Postal ballot hi zing Dar 8 ah chhiar tan niin 8:30 atangin EVM vote chhiar tan a ni bawk a ni.
29-South Tuipui (ST) AC a candidate te vote hmuh dan chu hetiang hi a ni:
1) Indian National Congress- 2958
2) Mizo National Front-5333
3) Zoram People’s Movement-5468
4) NOTA- 59
Postal ballot vote zingah vote thi (rejected) 22 a awm bawk.
Returning Officer Pu Lalvenhima chuan ZPM candidate Pu Jeje Lalpekhlua chu tlingah puangin Certificate of Election a hlan nghal a ni. Vote tlak dan Result kimchang zawk chu a hnuaiah hian tarlan a ni.
Attachment
- Loading attachment...
