2552/2026-2027

Dated Hnahthial, the 7th October, 2026: Vawiin khan DC Conference Hall, Hnahthialah tun kar chhunga hman tur - Right to Information (RTI) Week, 2026 hawnna hun hman a ni a, he hun hi Bawrhsap, Pi K. Vanlalruati chuan hmanpuiin Resource Person pahnih hnen atangin RTI chungchanga hriattur pawimawhte zir ho a ni.

Bawrhsap, Pi K. Vanlalruati chuan kalkhawmte lawmna thu speech sawiin RTI hmanga information dil nachang hria kan tam ve tawh thu leh hei hi hmasawnna kawng pawimawh tak a nih thu a sawi a. RTI Act chu khua leh tui (citizen) tu pawhin sawrkar thuneitute hnen atanga an hriat duh an hriat theihna tur, langtlang sawrkar awm theihna tura duan a nih thu sawiin Democracy hlawhtlinna tur chuan mipuite'n sorkar kalphung an hriat a pawimawh thu a sawi a ni.

Sawrkar kalphung hriat theihna awlsam ber chu RTI hi a nih thu sawiin he dan hian sorkar hnathawkte chu a vil tlat avangin sawrkar hna pawhin belhchian a dawl phah thu a sawi a. RTI hmanga zawhna kan dawnte chu a hun taka chhan a nih theih nan RTI online app-te pawh check fo thin turin kalkhawmte chu a chah nghal a ni.

Pu C. Lalrinawma, Lecturer, Govt. Higher Secondary School, Hnahthial chuan 'Overview of RTI' tih thupui hmangin presentation a pe a, Dr. Samuel R. Vanlalruata, Asst. Professor Govt. Hnahthial College chuan 'Role of SPIO/SAPIO' chungchang a zirtir bawk a ni.

Pu Lalremruata Kullai, Addl DC chuan hun hi kaihruaiin Hnahthial District chhunga SPIO/SAPIO te, Head of Office te, NGO hruaitute, MJA leh DC Office-a thawktute an tel a, Pu S. Kaptluanga, SDO Sadar chuan lawmthu sawiin hun a khar a ni.