1258/2026-2027

Dated Hnahthial, the 2nd July, 2026:

Hnahthial District Magistrate, Pi K.Vanlalruati chuan  ASF hri leng zel laka Hnahthial District a lo him theih nan a hnuaia mi ang hian khuahkhirhna thupek a chhuah.

ORDER

(Under Section 163 of Bhartiya Nagarik Suraksha Sanhita, 2023)

Mizoram hmun hrang hrangah Vawk pul hri African Swine Fever (ASF) leng te a zia awm ta deuh a hriat a ni a. Amaherawhchu he hri hi engtik lai pawha lo leng thei reng a nih avangin, Hnahthial District chu he hri atanga kan lo him theihna furin khuahkhirhna chhuah chhunzawm a lo tul leh ta a.

Chuvangin, kei, K. VANLALRUATI, District Magistrate, Hnahthial District hian Section 163 of Bhartiya Nagarik Suraksha Sanhita, 2023 in thuneihna min pek angin a hnuaia mi ang hian thupek ka ti chhuak e:

1) Hnahthial District chhungah AH&Vety. Department emaw, mahni khua theuh Village Council/VFA/VLTF on ASF te emaw phalna leh hriatpuina tel lo chuar tumah in mahni awmna khua emaw khaw dang atangin emaw vawk/ vawksa leh vawksa atanga siam reng reng lakluh leh hralh chhuah phal a ni lo.

2) Tualchhung Vawk talh tur reng rengin Vawk hrisel tha ngei a ni tih finfiahna Veterinary Officer, Hnahthial emaw mahni khua theuha VC/VFA hnen atangin emaw an nei ngei tur a ni.

3) Vawk damlo nei chuan a rang thei ang berin District Veterinary Hospital-ah emaw mahni khua theuha VFA /VC te hnenah emaw an report thin tur a ni.

4) Vawk thi reng reng paih mai lovin disinfectant (chinai/ bleaching powder) nen thuk taka phum tur a ni.

5) Vawk neitu ten vawk damlo an hralh/ talh tur a ni lo.

He thupek zawm lo chu Section 223 of Bharatiya Nyaya Sanhita, 2023 dan hmangin hrem theih a ni ang. He thupek hian tul bik thila tihdanglam a nih loh chuan tihchhuah a nih atanga thla 2 (hnih) chhung a huam ang.

He thupek hi Seal nemin Vawiin, 1st July, 2026 hian hming ka ziah hnan e.

Sd/- 

K.Vanlalruati

District Magistrate,

Hnahthial District: Hnahthial

Dated Hnahthial, the 1st July, 2026