1970/2024-2025

Dated Hnahthial, the 9th September, 2024: Vawiin khan Hnahthial District Bawrhsap Pi Rita Lalnunmawii Pachuau chuan a pisa ah Sub Hqrs YMA Hnahthial Vigilance Committee te meeting neihpuiin Hnahthial chhim lam daia National Highway kawng tlahniam chungchang an sawiho.

District Bawrhsap Pi Rita Lalnunmawii Pachuau chuan Hnahthial chhim lama National Highway kawng chhuat tlabal siam that chungchangah Sub Headquarters YMA Vigilance Committee ten theih tawp chhuah a venhim hna an thawk chu lawmawm a tih thu a sawi a. NH kawng tla hniam chu Hnahthial district mai bakah chhim lam district pathum, Lunglei, Siaha leh Lawngtlai mipuite zin kawng pawimawh tak anih avangin tha taka an zawh reng theih nan theih tawp chhuah zel a tul tur thu a sawi a.  Kawng chu a la ngeh loh mai bakah duh ang tawka siam that ala nih loh avangin LMV aia lian tlan theih turin hawn a nih dawn rih loh thu a sawi a. Sub Headquarters YMA Vigilance Committee member-te chu kawng a chhiat belh zel loh nan leh thuchhuah siam chu mipui ten an zawm ngei theih nan theihtawp chhuahpui chhunzawm turin a ngen bawk a ni. Hemi rual hian Hnahthial by pass kawng pawh DC office lam chuan a dinhmun an en thlithlai reng thu a sawi bawk.

He hunah hian Sub Headquarters YMA Vigilance Committee member-te pawhin Bawrhsap hnenah hian an duhdan te leh hma an lak dan tur tha zawk te thlenin Bawrhsap-in National Highway kawng chhe laia LMV chauh tlan tlang theih tura khauh taka hma a la chu lawmawm an tih thu an sawi a ni.