4201/2024-2025

Dated Hnahthial, the 12th February, 2025: Village Council Inthlanpui, 2025 vote thlak tan a ni a. Hnahthial District Election Officer leh Bawrhsap ni bawk, Pi Rita Lalnunmawii Pachuau leh Election Observer, Pi Lalhruaitluangi te chuan Hnahthial Town chhunga Polling Station awm te chu an fang kual a. Vote thlak naah mipuite leh duty te tan harsatna a awm leh awm loh endikna an nei nghal a ni.

Hnahthial Town chhungah hian Polling station paruk(6)- Govt. Primary School IV, Hnahthial North-I; Govt. Southern High School, Hnahthial North-I ; Govt. Middle School, Hnahthial North-II ; Middle School, Hnahthial South-I ; Govt. Primary School VI, Hnahthial South-II leh Govt. Primary School V, Hnahthial South-III te an awm a ni.

Vote hi tukin zing dar 7 atang khan thlak tan niin tluang taka kalpui zel a ni a. Vawiin tlai dar 4 thleng thlak theih a ni ang.