No.7378/2020-2021

Vawiin chhun dar 12:30 khan Hnahthial District Fire Prevention Committee chu an Chairman Pu Vanlalmawia, Hnahthial District Bawrhsap hovin DC's Conference Hall Hnahthial-ah an meeting a, sorkar in Fire Prevention Week atana a ruahman February ni 8-13 chhung hian hman ve ni se, February ni 8-ah Govt. Hnahthial College Auditorium-ah week hawnna hun hman nise an ti. 

Meeting kaihruaitu Bawrhsap chuan meeting koh a nih chhan a sawifiah a, Hnahthial District-ah DFO kan la neih loh avangin Forest lam kaihhnawihah hian rorel a buaithlak nachen a awm thin a, DFO kan nei thuai turah ngai ila, chutih rual chuan District chhunga RO kan neihte an chet chhuah thin erawh a tul hle dawn a ni a ti a, kuminah hian kang mei ven kawnga District titha te, Khaw titha te thlan a ni leh dawn a, a lawmman pawh a chhe lo hle a, lak ngei tumin theih tawp chhuah tlang ila a tha ang. Nikum lamah khan Hnahthial bikah in kang a awm miah lova, a lawmawm hle a, heng avangte hian inzirtirna lam hi kan uar thar deuh deuh pawh a tul a ni a ti.

Meeting chuan Fire Prevention Week hawnna huna programme tlangpui tur a duang a, Village Level-a Kangmei veng tha endik/thlang tu tur a ruat bawk a, hemi pual hian TV-a chhuah turin Talk Show buatsaih nise tiin a buaipui tur pawh ruahman nghal a ni a, 1min Video competition siam nise tiin Hnahthial District chhunga Kohhran tin-a chhiar chhuah turin Fire Prevention Committee hmingin lehkha pek leh nise. Khaw tinah Kangmei lakna invenna chungchang a tam thei ang ber inzirtir ni se an ti bawk.

Attachment

  • Loading attachment...