No.2057/2021-2022

Aizawl the 30th August, 2021 : Vawiin chawhnu dar 1:00 khan DC Conference Hall Hnahthial-ah District Election Officer leh District Bawrhsap ni bawk Pu H. Dolianbuaia kaihhruaiin Hnahthial District Level Standing Committee an thuk hawm.

He hunah hian Hnahthial District chhunga South Tuipui Assembly Constituency huam chhunga hmalakna hrang hrang an ngaihtuah a, Darzo-ah Voter 1054 an awm tawh avangin Election Commission of India-ah Polling Station hawn belh dil ni se, South Tuipui Constituency huam chhung vil turin Asst. Electoral Registration Officer (AERO) pahnih - BDO leh SDC ruat belh nise, BLO dam lohna avanga harsatna tawk thlakna tur leh BLO supervisor-a hlan kai thlakna tur pawh ngaihtuah niin pawm a ni bawk. Publication of Integrated Draft Electoral Roll atan 1.11.2021 ruat niin ni 1.11.2021 atanga 30.11.2021 chhungin siam that ngai te siam that a ni ang ang a, 05.1.2022-ah Final Publication of Electoral Roll tarchhuah a ni bawk ang.

He hunah hian District Election Officer chuan Special Campaign an neih dan te, Banner, Hoarding tar dan tur te, Special Campagin-ah hian Hnahthial District-a mi hmingtha Jeje Lalpekhlua, Issac Vanmalsawma, Sentei, Mapuii, Zotea, Didiki te chu ambasador-ah hman a ni dawn a ni.

Tun dinhmun-ah South Tuipui Assembly Constituency-ah hian Polling Station 26 awm mek in, vote nei thei mi 15,526 an awm mek a, an zinga mi 7,659 chu hmeichhia niin mipa 7,867 an awm mek a ni.