No.2504/2020-2020 

Covid-19 dona kalpui mekah Bualpui 'H' khawtlang chuan hmalak chhunzawm zelna atan tukin khan Hnahthial District Task Force on Covid-19 ah Rs.5,000/- (Cheng Sang nga) fai bakah Quarantine te eitur Thlai leh Thei chi hrang hrang an hlan.

Heng thilpekte hi District Task Force Chairman leh District Bawrhsap ni bawk Pu Vanlalmawia chuan a chenna Bungalow ah lo dawngsawngin "Covid-19 kan dona kawngah kawng hrang hranga kan District mipuite tanrualna lo lang chhuak zel hi a lawmawm takzet a, kan district-ah hian tun dinhmunah Covid-19 vei hmuh la nilo mahse inthlahdah thei kan ni lo tih hre rengin theihtawp i chhuah zel ng u" tiin lawmthu a sawi bawk a ni.       

Tun dinhmunah Hnahthial District chhungah hian State dang atanga rawn hawng mi149 awm tawhin mi 133 in quarantine hun an hmang zo tawh a, mi 16 quarantine mek an la ni. Heng zinga mi 133 te Swab sample lak tawhah mi 130 te result chu chhuak tawhin a Negative vek a, mi 3 te result nghah mek ala awm bawk.