No.661/2021-2022

Hnahthial the 24th May,2021 - Hnahthial District Task Force on Covid-19 leh Village Level Task Force hruaitute chu vawiin khan Pu Lalremruata Sailo, SDO (Sadar) kaihhruaiin DC Conference Hall-ah an thukhawm a, Total lockdown kalpui meka inkaihhruaina thlir hovin ruahmanna thar an siam bawk.

Meeting kaihruaitu Pu Lalremruata Sailo SDO (Sadar) chuan Covid-19 do kawngah inlungrualna tha tak nena theihtawp chhuah zel a tul thu leh VLTF te thawhrimna fakawm a tih thu a sawi a ni. 

DLTF Member Secretary Dr Lalrengpuii Ralte leh Medical Nodal Officer Dr.R.Lalsanglura te report atanga a lan danin Hnahthial District-in Covid-19 hri kai enkawl lai pakhat a neih chu a Negative tawh avangin vawiin khan Covid Care Centre atangin chhuah tir a ni a, tun dinhmunah Covid-19 hri kai enkawl Hnahthial District-ah an awm tawh rih lo a ni. Govt Quarantine Facility-ah mi 7 awm mekin chungte chu Hnahthial-ah 4, Cherhlun 2 leh South Vanlaiphai-ah 1 te an ni. Hnahthial District-a Covid-19 hri kai leh kai loh endik tawh zat pawh a vaiin mi 2926 an ni a, chungte chu  RT-PCR-ah 248 TrueNat-ah 1292, RAgT-ah 1275 Foreign atanga rawn lut mi 111 te a ni. Test neih zawng zawng zingah hian mi 25 chuan hri an kai tih hmuhchhuah niin enkawl dam an ni vek tawh a, Test atanga hri kai hmuhchhuah hi za a 0.85 a ni. 

Meeting chuan District dang Containment Zone leh Hotspot area atanga Hnahthial rawn lutte chu Home Quarantine vekin RAgT tih tir vek ni bawk se an ti a, hetiang hmun ni lem lo atanga rawn lutte chu Negative Certificate an neih chuan Quarantine ni kher tawh lo se an ti. Hnahthial hmar lam kawtchhuah a VLTF leh Executive duty thin chu VLTF chauh duty tawh se, Executive te hi khawpui chhung duty pointah duty tir nise an tih rualin Chhim leh hmar kawtchhuah duty point ah Police-te dah tel ni bawk se an ti. Eichawp dawr bakah Thlai leh chawhmeh bazar chu Thawhlehni leh Zirtawpni ah kalpui nise, zing dar 5:00 atanga chhun dar 12:00 inkar chu Hnahthial khawpui chhung tan bik nise, Chhun dar 12:00 atanga tlai dar 5:00 chhung chu khaw thenawmte tan nise chhungkaw khat atangin mi pakhat bak Bazar phal loh nise an tih bakah Thawhlehni leh Zirtawpni ah vek hian Balu mamawh te tan SoP zawm chungin Hnahthial District chhung bik tan Balu lak phal nise an ti bawk a ni.

Attachment

  • Loading attachment...