2695/2023-2024

Hnahthial the 6th November 2023: Hnahthial District a 29-South Tuipui Assembly Constituency Expenditure Observer Pu Bal Krishan Gopal, IRS chuan vawiin khan thawh thumna leh a tawp nan candidate pathum te sum hman endikna (3rd inspection of candidate's expenditure) a nei.

He hunah hian Expenditure Observer chuan South Tuipui biala candidate pathum- Pu C Laldintluanga INC, Dr R Lalthangliana MNF leh Pu Jeje Lalpekhlua ZPM te sum hman chu candidate expenditure agent hovin endikna a nei a, daily cash register bakah bank statement leh voucher hrang hrang enfelin, Accounting team-te vawn Shadow Expenditure Register (SOR) te a enfel a, an sum hman chuan Election Commission of India in sum hman theih zat a bituk behchhanin endikna an nei a ni. Vawiin inspection hunah hian Expenditure Observer bakah Assistant Expenditure Observer, Accounting team leh Video Viewing Team te an tel a ni.

Election Commission of India (ECI) in inthlan campaign sensova candidate-te sum hman theih zat a bituk angin, kumin Mizoram MLA Inthlanpui 2023-a candidate pakhatin campaign sensoa sum a hman theih tur zat chu cheng nuai 28 (28 lakh) a ni.