Hnahthial Group YMA chuan YMA kum 75-na (Platinum Jubilee) lawmna chi khat atan ni 22.6.2010 (Inrinni) khan CHC Hnahthial-ah thisen pek runpui neih a ni a, Lunglei Civil Hospital atangin thisen la tu tur Dr. Zolianthanga, hovin mi 4 an rawn kal thei a ni.
Thisen pek hma hian inkhawm tawi neih niin Pu Rothangliana President Group YMA Hnahthial chuan thu sawiin, midangte tanpuina tura phut let awm miah lova thisen pek hi khua leh tui tha nihna a ni a ti a, thian chhan thih ngam Mizote tih atan hian a mawi hle a ni a ti bawk. HIV/AIDS in Mizote min run nasat tawh zia pawh sawiin mahni thisen thianghlim leh thianghlim loh hre ngam lo engemaw zat kan awm hi a pawi tak zet a, HIV Positive kan lo ni a nih pawhin mahni hi i inhre ngam ang u a ti.
Thisen mipa 102 hmeichhia 30 ten an pe a, hei hi Lunglei lam atanga blood bag an rawn ken zat chiah a ni a, blood bag in a daih loh member 70 chuang zet chu thisen pe lo hian an kir leh a hun remchang hmasaah pek tir an nih beisei a ni.
Hnahthial Group YMA hian Kum 2009 pawh khan thisen hi an lo pe tawh bawk a ni.
Thisen mipa 102 hmeichhia 30 ten an pe a, hei hi Lunglei lam atanga blood bag an rawn ken zat chiah a ni a, blood bag in a daih loh member 70 chuang zet chu thisen pe lo hian an kir leh a hun remchang hmasaah pek tir an nih beisei a ni.
Hnahthial Group YMA hian Kum 2009 pawh khan thisen hi an lo pe tawh bawk a ni.
