No.2461/2021-2022

Aizawl the 2nd October, 2021 : UD&PA Deptt Hnahthial bultumin tukin khan Ropuiliani Square Hnahthial-ah 'Faina Hapta 2021' hawnna hun neih niin District Bawrhsap charge la mektu Pi Saizikpuii Addl.DC chuan khuallian niin a hawng a, Waste to Art Exhibition a ti thate hnenah lawmman hlanin Waste Entreprenuer thlanchhuah mi pahnih hnenah Superintendent of Police Pu Lalbiakkila chuan lawmpuina a hlan bawk a ni

Faina Hapta 2021 hawnna inkhawm Hnahthial-a neih hi SDO (Sadar) leh DUDO ni bawk Pu Lalremruata Sailo chuan kaihruaiin BCM Hnahthial South bialtu Pastor Rev.TC.Vanlalmalsawma chuan Faina chu Pathian thu atang pawhin ringtute mawhphurhna a nih thu sawiin hunserh a hmang a, Khuallian Pi Saizikpuii chuan Faina chu inzirtir theih a nih thu sawiin "khawlaia bawlhhlawh kan paih ringawt hian midangin an rawn paih ve leh a, bawlhhlawh paihnaah a chang mai thin a, paihna tur kan hmuh loh chuan kan paih lo mai a ni" tiin Faina chu mi tih turah dah mai lova Chhungkaw tinin mahni in leh a vel an tih fai theuh chuan khawfai a nih mai tur thu a sawi bawk a ni

He hunah hian Pu Micky Lalenkawla DEO Hnahthial chuan Faina Hapta 2021 puala intihsiakna tur ruahman hrang hrangte tarlangin Hnahthial khawpui chhung veng hrang hrang 8-a SBM-Urban Grand Ambassador te puanna leh inhmelhriat tirna hun a hmang a, Pi Lucy Zaithangpuii, DHO Hnahthial kaihhruaiin kalkhawm ten Faina thutiam an lak bakah Azadi Ka Amrit Mahotsav hnuaia Waste to Art Exhibition a ti tha mi 3 te hnenah lawmman pawisa fai leh thuziak hlan an ni bakah a tel zawng zawng hnenah Rs.1000 an pe theuh bawk a, Waste Entreprenuer thlanchhuah mi pahnih bawlhhlawh tanga leitha siamtu Pu Lianhnuna leh Pu Malsawmtluanga, Lungleng veng ve ve te hnenah lawmpuina hlan a ni bawk

Attachment

  • Loading attachment...