960/2022-2023
Lunglei the 20th, June' 2022: Vawiin chawhma dar 10 khan Zofa Run Lungleng Hnahthial-ah Administrative Training Institute leh Deputy Commissioner Office, Hnahthial buatsaih in sorkar hnathawkte tan Induction Training Programme for Cutting Edge Government Functionaries chu neih a ni a, District Bawrhsap Pu R. Lalremsanga chuan khuallian niin a hawng.

Training hawnna inkhawm hi Pi Golda Dell Zohmangaihi, Core Faculty, ATI Course Corodinator kaihruaiin Pu R. Lalremsanga chuan ATI in hetiang hun Hnahthial District thar tan Hnahthial-ah ngei an rawn buatsaih thei hi a lawmawm hle a, Aizawl-ah training va chhim dawn ila sum leh pai tam tak sen a tul dawn a ni a tiin, Course Coordinator atan Pi Golda-i a rawn kal leh thei zel hi a hlu hle a, ani hi mithiam tak skills nei tha tak in min rawn neihpui thei leh zel te hi a lawmawm ka ti hle a ni a ti a. Training hi a pawimawh hle mai a, a bik takin Gazetted Officer chinah phei chuan training neih tam hi a hlu a, ACR thleng a nghawng thei a ni a ti. Khuallian chuan training hi hlawkpui taka nei turin a sawm a, tun hi kan golden chance a ni tih hria ila, thahnemngai tak leh uluk taka training nei turin a chah a ni.

Pi C. Lallianpuii, Superintendent, DC Office & Local Coordinator chuan lawmthu sawiin hun a khar a, hemi hnu hian training neih tan nghal a ni. He training hian July ni 2nd thleng a awh ang.