No.7600/2020-2021

National Deworming Day, round hnihna kalpui tanna chu vawiin khan Govt High School Hnahthial-ah neih niin District bawrhsap Pu Vanlalmawia chuan Khuallian niin a hmanpui a, Zirlaite chu Rulhut laka an fihlim theih nan Rulhut hlo (Albendazole tablet) a ei tir a ni.

Hnahthial District bawrhsap Pu Vanlalmawia chuan vawiina zirlaite chu ram leh khawtlang hmalam innghahna an nih avangin an hrisel that a ngaih thu sawiin "Sorkar hian Human resource hi a ngai pawimawhin Zirlaite hian in hmalam hun atan eng pawh thlang ula mi tangkai leh ram tana mi hlu in nih hi sorkar chuan a beiseiin in hrisel theihna turin sum tam tak sengin ruahmanna a siam thin a, chu chu thuawih taka inzawm hi nangmahni tan pawh a tha a ni" tiin Rulhut lakah leh natna hrang hrang lakah an him theihna turin Kut sil fai uar turin a chah a, "Natna laka invenna pawimawh ber chu thianghlim taka nun hman hi a ni" tiin zirlaite chu mi hmantlak an nih theih nan an hriselna ngai pawimawh turin a fuih b awk a ni

Sorkar hnathawk te pawh Department hrang hranga awm nimahsela ram leh hnam tana thawk an nih avangin tan ho a pawimawh thu sawiin Hnahthial District bawrhsap Pu Vanlalmawia chuan "kan thawh ho thiam a, kan tan tlan chuan kan chak ang a, ram hian hma a sawn dawn a ni" a ti bawk

He hun hi Dr.R.Lalsanglura, MO, District Hospital Hnahthial chuan kaihruaiin naupang kum 1 atanga kum 19 inkar te hnenah Rulhut hlo pek vek an nih dawn thu leh sorkar pawhin a ngaih pawimawh thu a sawi a. Pu Micky Lalenkawla, District Education Officer chuan Power point hmangin Rulhut hnathawh hrang hrang leh inven dan te chu kalkhawmte a zirtir bawk a ni.