No.1895/2021-2022

Hnahthial the 17th August, 2021 - Vawiin chawhnu dar 1:30 khan Zofa Run Lungleng Hnahthial-ah District Hospital Hnahthial a thawktute hnenah Unique Disability ID (UDID) - Pianphunga Rualbanlo te tana ID card siamdan thar) inzirtirna hun hman a ni.

He hun hi Dr. Lalrengpuii Ralte, Medical Officer, District Hospital Hnahthial chuan kaihruaiin Pu F. Vanlalruata, State Coordinator, Social Welfare & Tribal Affairs Department chuan pianphunga rualbanlo te ID card thar siam dan tur chungchang a zirtir a ni. He ID card thar hi Rualbanlo zawng zawng ten neih vek tur a nih tawh dawn avangin, pianphunga rualbanlo ID card la nei lo zawng zawng ten siam tir vek tur a ni dawn a ni. Disability Certificate la nei lo ten District Hospital ah kalin Disability Certificate an la anga, chumi hmang chuan doctor ten lo en in, Disability Dertificate an lo siam anga. Chu certificate hmang chuan Hospital staff ten he ID card hi an lo siam sak leh dawn a ni. Tin, Disability Certificate nei tawh te chuan an certificate neihsa hmangin ID card thar hi an dil thei reng dawn bawk a ni. Chutiang nei tawh an nih chuan online kaltlangin swavlambancard.gov.in -ah a dilna a submit theih a ni. ID card nei tur hian passport size photo leh address proof document (Aadhar/Ration Card/Voter ID.. etc) te ken tel bawk tur a ni a ti.

UDID kalpuina tur hian Computer Set (1), Printer, Laminator leh a dang hrang hrang te Hospital hotu te hnenah a hlan nghal bawk a ni.