No.3257/2021-2022
Aizawl, the 2nd December 2021 : October ni 24 hi United Nations Day niin kumtin hman thin a ni a. Hemi Ni ah hian a pangngaia hnam puanzar ‘National Flag’ pharhna leh tarna hmun ah te, United Nations Flag hi National Flag rualin pharh/tar a ni thin. United Nations Flag hi Raj Bhawan leh Raj Niwas ah te leh Legislative Council, Legislative Assembly leh High Court building ah te pharh/tar a ni ve ngai lo.

Hemi chungchangah Addl. Chief Secretary leh GAD Secretary ni bawk chuan November ni 25 khan thu chhuahin Flag Code of India 2002, para 3.36 in heng puanzar-te tar dan tur a sawi chu Administrative Department hotu lute leh Heads of Offices te chu zawm ngei tura hriattirin an hnuaia office te pawh hemi chungchang hriattir turin a ti bawk a ni.

Flag Code of India 2002, para 3.36 in a sawi danin “United Nations Flag hi National Flag ruala tar a nih chuan National Flag sir ding lamah emaw, vei lamah emaw tar theih a ni a. Mahse tih dan phung pangngai ah chuan National Flag ding lam sir berah (a piah berah) tar thin a ni”.