DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/hnam-puanzar-zar-beihpui-har-ghar-tiranga-campaign-kalpui-leh-dawnp

HNAM PUANZAR ZAR BEIHPUI HAR GHAR TIRANGA CAMPAIGN KALPUI LEH DAWN.

1354/2023-2025

Aizawl the 2nd August, 2023 : India Independence champha vawi 75-na lawmna, Azadi Ka Amrit Mahotsav(AKAM)puala nikum 13th-15th August, 2022 chhunga Har Ghar Tiranga campaign hlawhtling taka neih chu kumin Independence Day lawmna pualin kalpui a ni leh dawn a.

Ni 13th- 15th August, 2023 chhung hian mahni chenna inah India Hnam Puanzar zar chhuak a, ram leh hnam tan thahnemngaihna rilru nen phur taka Har Ghar Tiranga campaign ti hlawhtling turin chhung tin te beisei kan ni a. A duh apiang tan Hnam Puanzar nena selfie thlalak Har Ghar Tiranga website www.harghartiranga.com ah post theih a ni ang.

Nikum Har Ghar Tiranga beihpui neih chhungin chenna in vaibelchhe 23 ah India Hnam Puanzar zar chhuah a nih bakah Har Ghar Tiranga website ah vaibelchhe 6 in Hnam Puanzar nena thlalak an pho chhuak a ni.