DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/hnathawh-phalna-pek-ran-vangin-bro-chief-engineer-in-chief-minister-hnenah-lawmthu-an-sawip

HNATHAWH PHALNA PEK RAN VANGIN BRO CHIEF ENGINEER-IN CHIEF MINISTER HNENAH LAWMTHU AN SAWI

2110/2025-2026

Aizawl the 7th November 2025: Vawiin khan Project Pushpak Chief Engineer Rajeev Dua chuan Chief Minister Office tlawhin Pu Lalrinawma Khiangte, PS to CM a hmu a. Mizoram sorkarin Working Season tantira hnathawh phalna (Working Permission) rang taka a pek avangin lawmthu a hrilh. Chief Minister hi a zin chhuah lai a nih vanga PS to CM hi hmu ta zawk a ni.

Mizoram sorkar hian tun thla ni 4 khan Champhai Deputy Commissioner hnenah Old Hruaikawn to Zokhawthar leh Tualcheng to Pamchung inkar kawng, Border Road Organisation te thawh tur, phalna an dil mek chu thawh phalna hi a pe a ni.

Pu Rajeev Dua chuan, hetianga rang hian permission hi kan hmu ngai mang lo va. Kan lawm em avangin Chief Minister hnenah lawmthu sawi tuma lo kal kan ni, tiin Chief Minister Office an tlawh chhan hi a tarlang.