Mizoram Official Hockey Championship vawi 12-na chu 9th Feb, 2010 khan Ramhlun Sports Complex-ah hawn a niin he hunah hian Pu S.Laldingliana, Parliamentary Secretary, Sports & Youth Services chu khuallian a ni.
Khuallian Pu Dinga chuan Mizoram hmun hrang hranga sawrkar hmalaknate sawiin tun dinhmuna sawrkar kutthlakna te chu hlawhtling a tih thu a sawi a. Khawvel huapa mizote min phochhuaktu Womens Hockey Association hmalaknate ropui a tih rualin Mizo thalaite tana hmahruaitu Rosalind leh Remruati te fakawm a tih thu a tarlang.
Pu Dinga hian lehkhathiamte kan lo punchhoh tak zel avangin zirna lamah hlawhtlin a har tawh a, chuvangin eizawnna nghet leh hlawhtlinna dawng phak tur chuan mi bik leh thiam fal nih a tulzia a sawi lang a. National mai bakah International players hlawhtling chherchhuak tura theihtawp chhuah zui zel turin Mizoram Hockey Association hruaitute a fuih bawk. Hlawhtlinna nei tura tihtakzetna leh tumruhna nena hmalam pan zel turin infiam mite a chah.
Khuallian hian Thenzawl a buatsaih Trainers Training-a pass chhuakte hnenah Certificate leh T-Shirt a hlan nghal bawk a ni.
He championship-ah hian Junior team 7 leh Senior team 17 an lut a ni.
Pu Dinga hian lehkhathiamte kan lo punchhoh tak zel avangin zirna lamah hlawhtlin a har tawh a, chuvangin eizawnna nghet leh hlawhtlinna dawng phak tur chuan mi bik leh thiam fal nih a tulzia a sawi lang a. National mai bakah International players hlawhtling chherchhuak tura theihtawp chhuah zui zel turin Mizoram Hockey Association hruaitute a fuih bawk. Hlawhtlinna nei tura tihtakzetna leh tumruhna nena hmalam pan zel turin infiam mite a chah.
Khuallian hian Thenzawl a buatsaih Trainers Training-a pass chhuakte hnenah Certificate leh T-Shirt a hlan nghal bawk a ni.
He championship-ah hian Junior team 7 leh Senior team 17 an lut a ni.
