3798/2024-2025

Dated Hnahthial, the 15th January, 2025: Home Department hnuaia hna lak tur chungchanga harsatna neite tan help desk siam a ni tih hriattirna chu Hnahthial SP, Pu Shivam Siddharth chuan a chhuah.

HRIATTIRNA

Mizoram Sawrkarin a phal angin Home Department hnuaiah Police Constable (Unarmed) - 51, Constable (Armed) - 200 leh Constable (Mechanic) -8 lak a ni dawn a. Dilna hi Police Recruitment Online Portal mizopolicerec.in kaltlangin ni 23.12.2024 atanga ni 22.01.2025 thleng thehluh theih a ni.

He hna dil tum, dilna (Application) buaipui kawnga harsatna neite chuan Superintendent of Police, Office Hnahthial ah 'HELP DESK' siam ani a, Office hun chhungin kan pui thei reng che u a, inthlahrung lova rawn kal zel turin kan in hriattir e.