Home Department chuan NGO Coordination Committee ten State Sawrkar leh khawtlanga rual ute ngenna ngai pawimawh a, April ni 11 a Lok Sabha Election neih tur boycott an tum leh April ni 8, 2019 atanga total bandh huaihawt an tum an thulh ta chu lawmawm a ti takzet a. Mizoramin tluang, fel fai leh muanawm taka election a neih theihna tura hma latu - NGO Coordination Committee hruaitute bakah Mizoram Kohhran Hruaitute Committee, YMA, MZP, MSU, MHIP, MUP leh pawl dang dang hruaitute bakah press mite chungah lawmthu a sawi a. Mizoram mipuite aiawhtu dik tak India Parliament-a thut tir ngei a nih theih nan April ni 11, 2019-a Lok Sabha Election kan hmachhawn turah vote nei zawng zawng ten vote thlak vek turin sawrkar chuan a ngen a ni.