No.7021/2020-2021
Christmas, 2020 chu muanawm leh hlim taka Zoram mipuite'n kan hman laiin, hmun thenkhatah mi tlemte in District Magistrate te thupek ngai pawimawh lovin puak thei thil, halmawi leh kangmei tichhuak thei thil an hal tih hriat ani a, hei hi Sawrkarin pawi a tiin a ngai thutak hle a ni.
Thupek bawhchhetute pawh dan anga hrem an nih theihna'n hma lak mek a ni. District Magistrate te'n CrPC hnuaia Section 144 hmanga khapna thupek an chhuah te hi IPC Section 188 hnuaiah thla 6 (ruk) thleng lungin tan emaw Rs. 1000/- thleng chawi emaw a kawpa hrem theih a ni.
Kumhlui thlah leh kumthar lawmna boruak kan hmachhawn mekah hian thupek zawm lo te chu inngaihnathiamna awm lova hremna lek turin district tina Sawrkar thuneitute pawhin chak takin ruahmanna an siam mek a ni. Khua/veng mipui zawng zawng hrem ngai lova, hlim leh him taka kumthar kan chuankai theihna'n District Magistrate te thupek hi thuawih taka zawm theuh turin kan inchah nawn leh ani e.
