Vawiin chawhma dar 11:00 khan Home Minister Pu R. Lalzirliana chuan Chawnpui Veng, Saitual-ah MUP Day vawi 12-na a hmanpui. Home Minister chuan Mizote hi nu leh pate enkawl leh hmangaih thiam tak hnamkanni a; chuvang chuan ram tamtaka an tih thin anga tar chak lo te enkawlna hmun pawhkanmamawh lem lo hle a, hei hi Mizo upate vanneihna nasa tak a ni a ti.

Pu R. Lalzirliana chuan MUP Member-te chu an kum a lo upat tak avanga taksa chaklohna leh bawrhsawmnain a tlakbuak chang pawha, a thim zawnga khawvel thlir lova tar chaklo tak thleng min dampui thei hi Pathian malsawmna a nih zawk zia hre thar leh thin turin a chah a. Thalai zawkte pawhin he MUP Day a lo thlen hian kan nu leh pate leh kan pi leh pute hi an thatlai hun zawng zawng kan tana hmang zo tawh te an ni tih hriain, anmahni enkawl leh duat kawngah rilru thar kan put ka duh a ni a ti bawk.

Mizoram sawrkar chuan thangtharte tana ram nuam zawk, hmasawnna leh changkang zawk din sak ngei tumin theihtawp a chhuah mek zel a. Kawlphetha te, ei leh bar te, thilsiam chhuah lamah te leh chhungkaw harsate dawmkan nan nasa takin hma a la mek a, kan ram leilung hausaknate pawh haichhuah mek a ni a, heng zawng zawngte hi thianghlim tak leh diktaka enkawl turin Pathianin ram hruaitu tha, eirukna kawnga fihlimte hnenah mawhphurhna a pe mek a ni, Home Minister chuan a ti.

 Home Minister chuan Mizorama politics lungphum phumtu Mizo Union sulhnute Art & Culture Department hmalaknain cheithat leh humhalh an tum a; Saitual khuaa Mizo Union lungphun chu MUP Saitual Unit cheithatturina ruahman sak nghal a ni.

 Home Minister hian vawiin vek khan Mualpheng khua a tlawh a, naktuk hian Saitualah Faina Hapta a hmanpui zawhah Aizawl a pan leh ang.