Ni 21.12.2015 zan khan Mizoram Home Minister Pu R Lalzirliana leh Parliamentary Secretary (Home) Lt. Col. (Rtd) Z.S. Zuala-te hovin Police Headquarters Khatla a, G.S Arya Mess hmunah Police officer leh an nupuite bakah sawmbik ten Krismas Urlawk Zaikhawm hun an hmang ho a ni.

He hun hi IGP Pu Zorammawia’n  kaihruai in, zaithiam hrang hrangin hun an hman bakah, Upa LH. Rohmingliana’n Pathian thuchah a sawi a. Home Minister Pu R Lalzirliana chuan kumin chhunga Police Department in harsatna hrang hrang a hmachhawn dan leh a bik takin department mi leh sa kaphluma a lambuntute chhanlet an nih danah lungawi thlak a tih thu a sawi a. Police Department-ah hmasawnna nasa tak a hmuh thu a sawi bakah Police Officer-te chu hlemhletna lakah fihlim zel tur leh rinawm taka hna thawk zel turin a chah bawk a ni.

Thusawi zawh-ah hian Krismas hla sa in Pathian faka  zaihona hun  hlimawm tak hman zui a ni a, Police Department a zaithiam lar hrang hrang ten zaihona hi an kaihruai a ni. Zaiho hun zawhah hian zanriah an kilho nghal a ni.