No.3572/2021-2022
Aizawl, the 6th January, 2022: Nimin khan Home Minister Pu Lalchamliana, Hrangturzo bialtu MLA, ni bawk chuan a bial chhunga khaw 3, tunhnai Covid-19 hripui kai pung tam te leh a luhchilh mek tanpui nan sumfai a pe a. Sumfai hi Pu Lalchamliana'n a aiawh tura a ruat Pu H. Rochhuma'n heng khuaa VLTF kutah a hlan a. East Lungdar in cheng 40,000; Sailulak in cheng 20,000 leh Mualcheng in cheng 10,000 tanpui sum an dawng a. Heng bakah hian Pulse Oxymeter chu Mualcheng leh Sailulak khaw tan hian pek a ni bawk.

Nimina tarlan tawh angin a bial chhunga hripuiin a luh chilh mek Sailsir khua pawh Minister hian cheng 40,000 in a tanpui a ni.

Bial mipuite chuan Home Minister chu an mangan laia tanpuina a pek avangin lawmthu sawiin harsat manganna kan tawh apiangin tanpui vartu hnai reng bialtu kan nei hi kan lawmin kan chhuang tak zet zet a ni tiin lawmthu an sawi bawk a ni.