99/2023-2024

Khawzawl, the 13th April, 2023: Home Minister Pu Lalchamliana, Hrangturzo Assembly Constituency bialtu MLA chuan vawiin chawhnu dar 1 khan Biate leh Bungzung inkalpawhna kawngpui siam chu a hawng.

Home Minister Pu Lalchamliana chuan a bial chhung Biate khaw mipuite ngaih pawimawh leh nghahhlelh em em, Biate atanga Bungzung panna kawng laih tlanga hawn fel a ni ta chu lawmawm a tih thu a sawi a. Biate atanga Bungzung panna kawng hawn tak chu Biate leh Bungzung mai bakah Champhai lam thleng pawha inkalpawhna tangkai tak a nih zel a beisei thu a sawi a. Tangkai taka mipuiten an chhawr theih ngei nan duhsakna a hlan a ni.

Kawng hawnna hun Biate Bungzung penga hman hi Pu H.Lalnunmawia'n a kaihruai a. Pu H.Zalawra'n technical report a pe a. Pu B.Lalruatsanga'n lawmthu sawiin hun hman a khar a ni.

Biate atanga Bungzung panna kawng Khawchhak Tuipui thleng hi Kilometre 11 vela thui a ni a; Kilometre 5 thleng laihsa a awm a, MLA fund cheng nuai 24.1 hmangin Kilometre 6 laih leh a ni. Khawchhak Tuipui paltlang Biate atanga Bungzung panna kawng hi Kilometre 22 vela thui niin, Bungzung lam a?angin East Tuipui Bialtu MLA, Pu Ramthanmawia, Bamboo Link Road Board Vice Chairman MLA Fund leh ni za inhlawhna hmangin Khawchhak Tuipui thleng laih tlang a ni bawk.