2465/2025-2026

Dated Aizawl: the 30 November 2025 : Vawiin khan home department changtu minister Pu K. Sapdanga chuan, Neihbawih hmuna Hulhliap Short-stay Centre chawhnu Inkhawm hun chu khuallian niin a hmanpui a. Task-group on public relations buatsaih,  Hulhliap Testimonial (1st, 2nd 3rd batch) Documentary chu a hawng nghal bawk a ni.

He hunah hian khuallian Home Minister chuan thusawiin, Hulhliapa awmte chu huaisen taka an harsatna ata tal chhuak ngei turin a fuih a. An harsatna hmachhawn mekah chuan hneh ngei tura duhthlanna te, chumi kawnga kaihruaitute thuawih theihna leh thutlukna fel tak siam tur tein a chah a. An khawtlang leh kohhrante chu an lamah an tang reng tih hre tura chahin, ram leh hnam, khawtlang tana chhenfakawm tak ni tura rawn chhuak turin a fuih bawk a. An tihsual palh chu an nihna a ni lo tih pawm thiam a, harsatna hneh chu khawvela thil ropui ber pakhat a ni tih a sawi a ni.

Hulhliap Short-stay Centre-ah hian, tun kum June 26 a din a nih atangin, Mipa 1481 leh hmeichhia 47 an zavaiin, mi 1528 -te chu ziah luh an ni tawh a. Hulhliapa awmte hi a tam ber chu kum 31 leh 40 inkar an ni tlangpui a. Vawiin thleng hian batch ruk awm tawhin batch hmasa ber leh batch ruknaah te chauh hian hmeichhia ziah luh an ni.

Vawiina hun hman hi Pu Malsawmzuala Ralte, hulhliap SSC Chairman-in kaihruaiin kalkhawmte lawmna thu a sawi a. Dr. Lalhriatzuali Ralte, Hulhliap SSC secretary chuan Hualhliap din a nih atanga kalpui a nih chhoh zel dante report a pe a. Pu Lalrindika, Hulhliap SSC Ward Commander chuan lawmthu sawin hun hi a khar a ni.