Vawiin chawhmaah khan Home Minister Pu R.Lalzirliana chuan a Pisa ah Lunglei District Court a roreltu te sawnchhuah an nih chungchang ah thu sawiin Lunglei District mipui te a thlamuan a.

Home Minister Pu R.Lalzirliana chuan India rama state pakhat, Mizoram State-a Lunglei District, kum 2011 Chhiarpui atanga chhut a mihring 1,61,428/- chenna chu sawrkarin a ngaipawimawh lo thei lo a. Thil duhawmlo lo thleng palh te Party inbeihna hmanrua atan hmang lovin Mizo mipui ten Lunglei mipui mangang thlavang hauhsak a ngai zawk a ni a ti. Home Minister chuan Democracy lungthu pathum zinga pakhata awmloh chuan Democracy a khingbai a, Lunglei District Court hnathawk thei lova siam a nih chuan Lunglei District mipui tan an Fundamental Rights lak bo sak ang a ni dawn a ni, a ti. Mitlemte thiltihsual avanga mipui nuai 2 dawn lai harsatna siamsak chu sawrkar in tha a tih loh thu sawiin Lunglei District mipui te chu Lunglei ah rorelna court dah leh thuai a nih thei nan sorkarin hma a la mek tiin a thlamuan a ni.

Attachment

  • Loading attachment...