Pu R. Lalzirliana, Home Minister chuan May 13 khan Myanmar leh Mizoram inrinna bul Pangkhua to Saisihchhuah kawng 15.50 Kms a sei a hawng. Hawnna inkhawm hi Pu Vanengmawia, Secretary RD in a kaihruai.
Minister chuan officials leh contractor ten ram hmasawnna tak tak ngaihtuaha kawng tha tak an lai zo thei hi a lawmawm a, ramri bula awm a nih avangin hmasawnna ropui tak leh mipuite tana malsawmna anih rualin vanduaina leh thil tha lo keng tel thei anih avangin fimkhur a tul thu a sawi. Mizo hnahthlakte hi inlungrual takin kan chenna theuhah 'Mizoram tan' ti zelin inunauna vawng nung reng an u a ti a. Ram pawn lam atanga rawn lutte pawh fimkhur tura chahin sualna ti pungtu an nih loh a beisei thu Minister chuan a sawi.

NLUP hi a dawngtu rilru put dan a zirin kan hlawhtlinpui theiin kan hlawhchham let der theia, chuvangin Pathian rinchhan chunga taima leh rinawm taka hna thawkin a ti hlawhtingtu ni theuh turin kan in buatsaih a ngai a ni, a ti.

He project hi Rs. 1139,73,000 senga siam a ni a. Project in a tum ber chu India leh Myanmar insumdawn tawnna hmun pawimawh tak anih avang te, leilet hmun pawimawh leh Pangkhua leh a chhehvel khuate tan he kawng hi an eizawnna ber a ni a. Balu lak, Sangha man, leilet huan thlai siamna kawng ber anih avangte in Mizoram tan he kawng hi hmasawnna nasa tak thlentu anih chhoh zel beisei a ni.

Minister hian heng khaw hrang hrang - Keitum, Rawpui, Pangzawl, Hnahthil, Darzo, South Vanlaiphai, sangau leh Tuipui te hi tlawh nghalin khawtlang hruaituten lo lawmin inkawmna hun tha tak an hmang a ni.