Home Minister Pu R. Lalzirliana’n nimin khan Saitual-ah Govt. Higher Secondary School-in zirlai ti tha te hnena Golden Jubilee Award an hlan thin tum sarihna a hmanpui.
He Golden Jubilee Award hlanna Govt. Higher Secondary School a neih ah hian an Principal Pu Lalropara Pachuau in inlawmna thu a sawi a; Pathian hnena inhlanna Rev. C. Rolungmuana’n a hmang a. Khuallian Pu R. Lalzirliana chuan thu sawiin Govt. Higher Secondary School, Saitual-in zirlai naupangte tih phurna leh inelna thianghlim atan tum sarih zet chawimawina Golden Jubilee Award zirlai ti thate hnena an hlan thei chu a lawmawm tak zet a ni, a ti a. Hei hian rah duhawm tak a chhuah zel ka beisei a ni a ti.
Pu Zira chuan zirlai naupangte chu an zirlai chauh ngai pawimawh ber turin a fuih a. Zirlai ni chunga zirlai pawl hminga mahni zirlai aia thildang tuipui ta zawk a, sorkar leh midang tih tur tih tum ve chhen te hi a tha ber lova; a titu tur ten nachang an hriat loh a thurawn inpek chu a tha a. Zirlaiin a zirlai thuanawp phah khawpa hetiang zawnga inhman hi a tul lo a ni, a ti a. Zirlaite chu mahni dinhmun leh phak tawk mila inchei leh khawsak thiam turin a fuih a ni.
Pu Lalzirliana chuan amah chu a ropui lo a, amaherawh chu a thutna erawh hmun thianghlim, ram leh hnam taka serhhran anih avangin dik tak leh fel taka rorelna kalpui a tum thu a sawi a. Chumi atan chuan mipuite tawiawmna ngenin huaisen taka hmalak a tum a ni, a ti. A department enkawl mekah Police Constable-te an hotuten an chanvo bak, inlam leh huan lama hnathawka an chhawr thin pawh tih tawp sak vek an ni a ti a. La chhawr lui an awm chuan action lak zel a ni ang a ti bawk. Hetih rual hian Police te hnathawh that fakin midik leh huaisen tam tak an awm a. Chhun zan zawmin mipui himna atan hlauhawm karah pawh huaisen takin hna hautak an thawk a ni, a ti.
Pu Zira chuan tunlai hmasawnna chak tak karah hian sualna pawh a pung chak hle a. Thalaite zingah kan hnam ti mualpho zawnga sex video te a lar hle a. Hei hi dan hmang a na taka hrem theih an ni tiin mitin fimkhur turin a chah.
Saitual leh a chhehvel atana sorkar hmalakna tur ruahman mekte tarlangin a tih hlawhtlinna kawngah khawtlang hruaitute leh sorkar hnathawkte thawhhona tha a pawimawh dawn a, inpawh tak leh lungrual taka thawk ho turin a hrilh bawk a ni.
Saitual Govt. High School hi kum 1952 a din a ni a, kum 2003 ah khan Golden Jubilee an lawm a. Chuta tang chuan kum tinin zirlai ti thate hnenah Golden Jubilee Award hi an hlan thin a. Kumin hian High School Leaving Certificate Exam-a ti thate Mathematics-ah Malsawmdawngzeli; Science-ah Isaac Vanlalhruaia; English-ah Lalrinzuali leh High School Section-a pumpui a mark hmu sang ber Lalrinkimi, Class VIII leh Higher Secondary Section-ah Lalrohlua, Class XI te hnenah Jubilee Award hi khuallian Pu R. Lalzirlianan a hlan a ni.
Heng Award atana Donors te hi K. Lalremfela hriatreng nan Pu K. Lalhmachhuana; Chawngliana Class XI hriatreng nan Pu K. Rotlinga; B. Sangmawii, Headmistress hriatreng nan Pu Lalhmingliana, Aizawl; Samuela hriatreng nan Pi C. Lalrampari Hmar te an ni.
Minister hi Pu Lalrammawia Colney, Deputy State Project Director; Pu Lalsiama Fambawl, IPRO leh PS to Minister Henry Lalrawnkima ten an tawiawm a ni.
Pu Zira chuan zirlai naupangte chu an zirlai chauh ngai pawimawh ber turin a fuih a. Zirlai ni chunga zirlai pawl hminga mahni zirlai aia thildang tuipui ta zawk a, sorkar leh midang tih tur tih tum ve chhen te hi a tha ber lova; a titu tur ten nachang an hriat loh a thurawn inpek chu a tha a. Zirlaiin a zirlai thuanawp phah khawpa hetiang zawnga inhman hi a tul lo a ni, a ti a. Zirlaite chu mahni dinhmun leh phak tawk mila inchei leh khawsak thiam turin a fuih a ni.
Pu Lalzirliana chuan amah chu a ropui lo a, amaherawh chu a thutna erawh hmun thianghlim, ram leh hnam taka serhhran anih avangin dik tak leh fel taka rorelna kalpui a tum thu a sawi a. Chumi atan chuan mipuite tawiawmna ngenin huaisen taka hmalak a tum a ni, a ti. A department enkawl mekah Police Constable-te an hotuten an chanvo bak, inlam leh huan lama hnathawka an chhawr thin pawh tih tawp sak vek an ni a ti a. La chhawr lui an awm chuan action lak zel a ni ang a ti bawk. Hetih rual hian Police te hnathawh that fakin midik leh huaisen tam tak an awm a. Chhun zan zawmin mipui himna atan hlauhawm karah pawh huaisen takin hna hautak an thawk a ni, a ti.
Pu Zira chuan tunlai hmasawnna chak tak karah hian sualna pawh a pung chak hle a. Thalaite zingah kan hnam ti mualpho zawnga sex video te a lar hle a. Hei hi dan hmang a na taka hrem theih an ni tiin mitin fimkhur turin a chah.
Saitual leh a chhehvel atana sorkar hmalakna tur ruahman mekte tarlangin a tih hlawhtlinna kawngah khawtlang hruaitute leh sorkar hnathawkte thawhhona tha a pawimawh dawn a, inpawh tak leh lungrual taka thawk ho turin a hrilh bawk a ni.
Saitual Govt. High School hi kum 1952 a din a ni a, kum 2003 ah khan Golden Jubilee an lawm a. Chuta tang chuan kum tinin zirlai ti thate hnenah Golden Jubilee Award hi an hlan thin a. Kumin hian High School Leaving Certificate Exam-a ti thate Mathematics-ah Malsawmdawngzeli; Science-ah Isaac Vanlalhruaia; English-ah Lalrinzuali leh High School Section-a pumpui a mark hmu sang ber Lalrinkimi, Class VIII leh Higher Secondary Section-ah Lalrohlua, Class XI te hnenah Jubilee Award hi khuallian Pu R. Lalzirlianan a hlan a ni.
Heng Award atana Donors te hi K. Lalremfela hriatreng nan Pu K. Lalhmachhuana; Chawngliana Class XI hriatreng nan Pu K. Rotlinga; B. Sangmawii, Headmistress hriatreng nan Pu Lalhmingliana, Aizawl; Samuela hriatreng nan Pi C. Lalrampari Hmar te an ni.
Minister hi Pu Lalrammawia Colney, Deputy State Project Director; Pu Lalsiama Fambawl, IPRO leh PS to Minister Henry Lalrawnkima ten an tawiawm a ni.
Attachment
- Loading attachment...
