Special Blind School Durtlang chuan kumin October thla a Zo Vohbik Zai intihsiakna, Kolasib-a neih ah an school naupang ten lawmman pakhatna atanga pathumna an lak leh top ten a mi 5 lai an lan lawmna chu an school ah vawiin khan an nei a. Home Minister Pu R.Lalzirliana chu Khuallian a ni.
Thuchah sawiin Home Minister chuan Special Blind School naupangte chu vanduai leh chan chhe bika inngai lo turin a fuih a. Aizawl khawpui chhungah hian mi awmthei fa, nu leh pa chawmhlawm, hnathawh nachang hrelo leh thawk peihlo tam tak an awm a. “Chungte chu rualbanlote an ni” tia sawiin Pu Zira chuan Mizoram hian hetiang rualbanlo hi a ngah em em a. Anmahni khai chhuak a, kawng dika hruai turin sorkar, kohhran leh khawtlangin theihtawp chhuah tlan a ngai a ni, a ti.
Home Minister hnenah hian SBS hotute chuan an school-in Social Justice & Empowerment atanga kum tin grant-in-aid atan nuai 7 an hmuh thin chu kumin ah an hmuh loh avang leh an school intun nunna ber pakhat, chalk industry atanga kum tin nuai 3 an hlep thin chu Mizoram sorkar-in tender a hnawl sak vanga sum lam harsatna an tawh nasat thu an thlen a. Hemi bakah hian zirtirtu trained chhuah tawh, hmun danga sawn sak an nih thu leh a aiawh tur tihfel a la nih loh vanga harsatna pawh an lo thlen bawk a. Home Minister chuan an harsatna tawh te hi a chhan lo enzui a, a chinfelna tur kawng lo dap turin theihtawp chhuah a tiam a. “Thudik tan thiltha ti I ensan ngailo” tih chu thupui atan a duh ber tih sawiin Pu Zira chuan mi dikte chanvo humhalh turin mi diklote vau chu pawi a ti lo, tih a sawi a. SBS chu mi chanhai leh vanduaite tanpui tura thil tha titute an nih avangin sorkar-in a thlahthlam dawn lo tih a sawi bawk.
Special Blind School hi kum 2000 khan din tan niin tunah hian class I atanga 10 thleng zirna kalpui a ni a. Mizoram hmun hrang hrang atanga kal khawm naupang 29 an awm mek a. Zo Vohbik Zai intihsiakna ah hian nikum lamah pawh SBS naupangte hi an titha hle a. Tun tuma lawmman Pakhatna latu Zionmawia, Pahnihna latu Baby Lalnunziri leh Pathumna latu C.Ludy te chu Khuallian nupui Pi Lalthangmawii chuan thilpek a hlan a ni.
Inkhawm hi SBS Principal Pu Arsiliana’n a kaihruai a. Dr.C.Biakmawia, Sr.Adviser Samaritan Association for the Blind chuan lawmthu sawiin inkhawm a khar a ni.
Home Minister hnenah hian SBS hotute chuan an school-in Social Justice & Empowerment atanga kum tin grant-in-aid atan nuai 7 an hmuh thin chu kumin ah an hmuh loh avang leh an school intun nunna ber pakhat, chalk industry atanga kum tin nuai 3 an hlep thin chu Mizoram sorkar-in tender a hnawl sak vanga sum lam harsatna an tawh nasat thu an thlen a. Hemi bakah hian zirtirtu trained chhuah tawh, hmun danga sawn sak an nih thu leh a aiawh tur tihfel a la nih loh vanga harsatna pawh an lo thlen bawk a. Home Minister chuan an harsatna tawh te hi a chhan lo enzui a, a chinfelna tur kawng lo dap turin theihtawp chhuah a tiam a. “Thudik tan thiltha ti I ensan ngailo” tih chu thupui atan a duh ber tih sawiin Pu Zira chuan mi dikte chanvo humhalh turin mi diklote vau chu pawi a ti lo, tih a sawi a. SBS chu mi chanhai leh vanduaite tanpui tura thil tha titute an nih avangin sorkar-in a thlahthlam dawn lo tih a sawi bawk.
Special Blind School hi kum 2000 khan din tan niin tunah hian class I atanga 10 thleng zirna kalpui a ni a. Mizoram hmun hrang hrang atanga kal khawm naupang 29 an awm mek a. Zo Vohbik Zai intihsiakna ah hian nikum lamah pawh SBS naupangte hi an titha hle a. Tun tuma lawmman Pakhatna latu Zionmawia, Pahnihna latu Baby Lalnunziri leh Pathumna latu C.Ludy te chu Khuallian nupui Pi Lalthangmawii chuan thilpek a hlan a ni.
Inkhawm hi SBS Principal Pu Arsiliana’n a kaihruai a. Dr.C.Biakmawia, Sr.Adviser Samaritan Association for the Blind chuan lawmthu sawiin inkhawm a khar a ni.
Attachment
- Loading attachment...
