1579/2023-2024

Aizawl, 19.08.2023: Home Minister Pu Lalchamliana chuan nakin huna nun nuam neih theih nan vawiin ni kan hman dan a pawimawh thu a sawi. He thu hi vawiina Tuichangral Zirlai Pawl (TCZP) Freshers' Social cum Zirlai ti tha lawmpuina hun, Aijal Club a buatsaih a hmanpui naah a sawi a ni.

Home Minister chuan zirlaite hmaa thu a sawi naah vawiina kalkhawmte chu hlawhtlinna an chan theih nan zirlaite taimak thlah lo turin a chah a. Mihirng nunphungah puitlin hunah khawsak hrehawm lo leh lungkham lian tak nei lo a awm.hi kan duh deuh ber mai a, vawiina thalaite pawh an puitlin hun a awm dan tur te, nih duh leh nih chak an neihte hlawhtlinna chu an vawiin hun hman danah a innghah thu sawii, hlawltling fur chuan taimakna a pawimawh hmasak thu a sawi. Minister chuan thalaite chu ram hmachhuan an nih thu sawi bawkin, Mizoram a intodelh nan leh state thawhchhuah a tam zawk nan a chhunga cheng te hi hma kan lak nasat a tul thu a sawi bawk a. Vawiin zirlai kalkhawmte chu zirlaia leh eizawnna an zawnna kawngah duhsakna hlan nin, hlawhtlinna kawng an zawh rualin nun tha leh entawntlak neih tlat tum turin a chah bawk.

Tuichangral Zirlai Pawl (TCZP) in an buatsaih programme ah hian kumin HSLC, HSSLC, UG leh a tlukpui exam a Tuichangrual atanga zirlai hlawhtlinna changte hnenah lawmpuina hman a ni a. UPSC Prelims leh MPSC Prelims paltlang mi pali hnenah lawmpuina hlan an nih bakah an bial chhung ami zinga State Teacher Awardee 2023 awardee hnena lawmpuina hlan a ni bawk. He hunah hian MZP, MSU leh Tuipuiral Zirlai Pawl aiawhte'n thu an sawi bawk.