Home Minister Pu R.Lalzirliana leh Col.Venkataraman, Director, Army Recruiting Office, Mizoram te chu a vawikhatna a tan vawiin khan a Chamber ah an in kawm a. Mizo thalaite tana awlsam zawka sipai a an luh theih dan turte chipchiar takin an sawi dun.

Pu Zira chuan awlsam zawk leh senso tlem zawka sipai a  Mizo thalaite an luh theihna tura kawng dapa College leh School ah te Awareness Campaign tam zawk nei turin a rawt a. Chubakah Media hrang hrang hmanga a zau thei ang bera helam hawi a Campaign neih a tulziate  an sawi dun a. Chumi a tan chuan theihtawp chhuahpui a in huam thu pawh a hrilh bawk. Hei bakah hian fee tlemte emaw a thlawnin emaw GD level atang a Commission level thleng a luhduhte inbuatsaih nan Coaching Centre buatsaih nise tihte an sawi dun a. Sipai a lak chungchang ah pawh inhriatthiamna zau tak awm thei se a tul thute an sawi bawk a ni.