1736/2026-2027

Dated Champhai, the 11th August, 2026 : Vawiin khan Home Minister Pu K.Sapdanga chuan Government Champhai College Chamdel Kût cum Fresher's Social chu Government Champhai College Multipurpose Hall ah khuallian niin a hmanpui.

Minister chuan thu sawiin, Government Champhai College chu amah ngei pawh a lo zir chhuah tawhna college a nih avanga a hlut thu a sawi a. Zirlai naupangte chu Smartphone leh AI an mamawhna apianga hman theih tur an nei chu an vanneih thu hrilhin, ṭangkai taka hmang turin a fuih a. Chutih ruala ruihhlo vanga harsatna hrang hrang an tawrh thin te chu pawi a tiin, chu aia pawi zawk rilru hrisel lohna vanga harsatna tam tak ṭhalai ten an tawk chu pawi a tih tak zet thu sawiin, Mizo nun dik taka kir leh turin a sawm a ni.

Government Champhai College Principal Pu Lalthanpuia hnen atangin kalkhawmte lawmna thu ngaihthlak a ni a, College din a nih dan te, Chamdel Kût lo chhuah dan te ngaihthlak a ni bawk a ni.

Khualzahawm Mizoram KVI Board Chairman Pu C.Lalremliana pawhin thu sawiin nun dika kan nuna, theihtawp kan chhuah chuan malsawmna kan dawn ṭhin thu a sawi a, theihtawp chhuah duh tak tak te tan chuan mahnia kutkawih eizawnna kawng zau tak a awm thu a sawi bawk.

Chamdel Kût-ah hian college zirlai naupang te atangin hnam lam leh zai leh an thiamthil hrang hrang entirna hun hman a ni bawk a ni.

Government Champhai College hi 6th August, 1971-a din niin, tunah hian Arts Stream, Science Stream, Computer Science leh Commerce zirna a awm a ni.