1805/2023-2024

Dated Saitual the 8th September 2023: Vawiin khan Home Minister Pu Lalchamliana chuan Saitual ah Deputy Commissioner of State Tax Office a hawng.

He Deputy Commissioner of State Tax Office hawnna inkhawm, Saitual College Auditorium a neih ah hian, Home Minister Pu Lalchamliana chuan Taxation Department tobul sawiin Excise Department nen a inkawp ni thin chu 1988 atanga department hranpa a a din tan thu a sawi a . Tun dinhmun ah Hnahthial tih loh ah chuan District tinah Zonal office neih a ni tawh a ni, a ti. Taxation Department chu Mizoram a Revenue Tax chhunluhna bulpui a ni a, Department hian GST, GST huam loh Petroleum Tax, VAT leh Professional tax atangin chhiah a la thin a ni, a ti. Minister chuan intodelh pawimawh zia sawiin 2020-2023 a revenue hmuh cheng vaibelchhe 1020 chu a san ber tum ni mahse Mizoram sawrkar in sum a hmanchhuah tur zawng zawng atanga teh chuan te tham tak a la ni rih a ni, a ti. Mizoram ah income tax kan pek ve loh thu sawiin , sawrkar in mipuite mamawh tur phuhruk nan pawisa tamtak a sen a ngai a, Fair price shop atanga buhfai lei tur chhawpchhuahte leh electric bill te chu sawrkar in hmun dang atang man sang zawk a a lei, mipuite tan tlawm zawk a a hralh chhuah a ni a, chutah chuan sawrkar in sum nasa tak a seng thin a ni, a ti.

Pu Lalchamliana chuan Mizoram chu ram naupang tak mahni a la intodelh lo a ni, a ti a, Mizoram hmasawn leh than zel nan Sawrkar leh mipuiin tihtur kan neih veve thu sawiin mipui te chu rinawm leh dik taka dan anga chhiah pek chu kan tihmakmawh a ni a, chumi fel taka lo lakkhawm leh a nihna tur taka hman anih theih nana hmalak chu sawrkar thil tih tur pawimawh tak a ni, a ti. Taxation Department chu mipuiten awlsam zawka chhiah an pek theih nana din a nih thu sawiin Department hlauhawm a ni alo a ni, a ti.

Dr Lalngura tlau , Saitual Bawrsap pawhin thu sawiin Saitual District chu District naupang te, covid hrileng in kum hnih zet a hrek chung pawh a hmasawn chak tak District a ni, a ti . Department hawn chhoh zel a ni chu lawmawm a tih thu sawiin, Department hawn chu thil hautak tak nimahse sawrkar thawhrimna leh hmathlirna thui tak avanga hawn theih a ni, a ti a, sawrkawr hruaitute chungah lawmthu a sawi bawk. DC chuan Saitual ah ram a hek zel loh nan leh mipuiten zangkhai zawka sawrkar an dawr theihna turin Mini Government complex ang zawnga hmalak a nih thu sawiin, hmun khat ah Department building la nei ve lo te chu DC Office nen a awmkhawm dan tur ruahmanna siam mek a nih thu a sawi bawk.

Pu R Zosiamliana commissioner of state tax in report pe in Taxation Department chu May 20, 1988 ah department hran a ding tan in Mizoram a revenue chhungluttu lian ber a ni, a ti a. Tun dinhmunah Commissioner of State Tax hnuaiah Zone sawmpali - Aizawlah zone pali leh District dang 10 ah zone pakhat theuh Deputy Commissioner kaihhruainain an awm mek a ni. GST atang revenue a luh hnem ber thu sawiin, State own tax Revenue ah thawhhlawk ber pawl Department anni chu a lawm thu a sawi bawk. Saitual a Deputy Commissioner of State Tax office chu mipui te leh sumdawngtute tan zangkhai zawk a chhiah an pek theihna tur a nih avangin tangkai taka hmang turin duhsakna a hlan a ni.

Deputy Commisioner of State Tax office hawnna Inkhawm hi Taxation Department Secretary Pu H. Lianzela chuan kaihruaiin ,chhiah pe lo theilo te tan awlsam zawk a chhiah an pek thehna turin Saitual a State tax office chu hawn a nih thu a sawi. Joint Commissioner of State Tax, David Lalchhuanawma chuan lawmthu sawiin inkhawm hi a khar a ni.