Vawiin chawhma dar 10:30 khan Sericulture Exhibition 2011 chu Saitual Centenary hall-ah Home Minister Pu R. Lalzirlianan a hawng. He exhibition hi Vocational Higher Secondary School 4 - Saitual, Saiha, Khawzawl leh Zemabawk Higher Secondary School tangkawpin an buatsaih a ni a; State Council of Educational Research and Training (SCERT) chuan sum senso hi a tum sak a ni.
Home Minister Pu R. Lalzirliana chuan "Maimaw Pangang khawi hi kan ram sum leh pai dehchhuahna a tangkai tak ni thei a ni a; tunah pawh hian chhungkaw tam takin eizawnnan an hmang mek a ni. Zirlaiten lehkha zirna kalphung pangngai nena inhne rem taka hetiang eizawnna tling an zir tel thei hi a vanneih thlakin, a lawmawm tak meuh a ni" a ti. Home Minister chuan "Maimaw Pangang khawi hian tharum a mamawh tam loh avangin hmeichhe awmnem zawk te leh naupangte nen lama chhungkaw tangruala eizawn theihna a ni a. Mizoramah Maimaw pangang chitin reng a tha duh em em vek a, chuvang chuan tuna eizawnna atana hmang mekte leh NLUP hnuaia eizawnna atana thlangtuten tih tak meuha an beih chuan Mizoram pawh hi India rama silk la thar hlawkna state zingah kan in hlangkai thei ngei ang tih a rinawm a ni" a ti bawk.
Parliamentary Secretary Pu Chawngtinthanga pawhin thusawiin, "Mizoramah Remna leh Muanna boruak tha tak kan nei a; hei vang hian hmasawnna tura hnathawhna kawng tinrengah kan samkhai phah a ni. Hmasawnna tluantling kan neih theihna turin zirna a pawimawh a, zirna peng hrang hrang zingah eizawnna atana zirlaiten an hman nghal theih tur vocational education hi sorkar chuan a ngai pawimawh hle a ni" a ti.
Vocational Education hi Centrally Sponsored Scheme (CSS) a ni a; SCERT hnuaiah kum 1989 atang khan India ram state tinah kalpui tan a ni a. Mizoramah chuan kum 2003 atang khan 10+2 ah vocational subject hi telh tan a ni a. Tunah hian subject 9 awmin Higher Secondary School 17 in hetiang zir theihna hi an nei a ni. Sericulture bik hi Saitual, Saiha, Khawzawl leh Zemabawk Higher Secondary School ah zir theih a ni a. Tunah hian zirlai 77 an awm a ni. Vocational Course zirte hian anmahni subject bikah zirna sang zawk an chhunzawm thei a; zirna tluang pangngai a kal chhunzawm duhte tan pawh a kal chhunzawm theih a ni.
Saitual a Sericulture Exhibition hi zirlaite leh mipuiin an hlut hle a. Stall 18 awm in, hetah hian zirlai ten maimawm pangang khawi dan leh enkawl dan te, pangang ril sawisak dan leh silk la a siam dan te a takin an entir a ni. Home Minister hi Aizawl atangin Pi Malsawmthangi, SCERT Director leh Pu Robert Thangmawia, IPRO bakah Sericulture Department mithiam ten an tawiawm a ni.
Parliamentary Secretary Pu Chawngtinthanga pawhin thusawiin, "Mizoramah Remna leh Muanna boruak tha tak kan nei a; hei vang hian hmasawnna tura hnathawhna kawng tinrengah kan samkhai phah a ni. Hmasawnna tluantling kan neih theihna turin zirna a pawimawh a, zirna peng hrang hrang zingah eizawnna atana zirlaiten an hman nghal theih tur vocational education hi sorkar chuan a ngai pawimawh hle a ni" a ti.
Vocational Education hi Centrally Sponsored Scheme (CSS) a ni a; SCERT hnuaiah kum 1989 atang khan India ram state tinah kalpui tan a ni a. Mizoramah chuan kum 2003 atang khan 10+2 ah vocational subject hi telh tan a ni a. Tunah hian subject 9 awmin Higher Secondary School 17 in hetiang zir theihna hi an nei a ni. Sericulture bik hi Saitual, Saiha, Khawzawl leh Zemabawk Higher Secondary School ah zir theih a ni a. Tunah hian zirlai 77 an awm a ni. Vocational Course zirte hian anmahni subject bikah zirna sang zawk an chhunzawm thei a; zirna tluang pangngai a kal chhunzawm duhte tan pawh a kal chhunzawm theih a ni.
Saitual a Sericulture Exhibition hi zirlaite leh mipuiin an hlut hle a. Stall 18 awm in, hetah hian zirlai ten maimawm pangang khawi dan leh enkawl dan te, pangang ril sawisak dan leh silk la a siam dan te a takin an entir a ni. Home Minister hi Aizawl atangin Pi Malsawmthangi, SCERT Director leh Pu Robert Thangmawia, IPRO bakah Sericulture Department mithiam ten an tawiawm a ni.
