Tukin zing kar khan Home Minister Pu R. Lalzirliana chuan Mamit District Jail a tlawh a, Inspector General (IG) Prisons Pi Zoramthangi Hauhnar leh Pu K Lawmthanga, DIG, Prisons leh Jail Superintendent, Pu Zosangliana ten Jail hmunhma Minister hi an enpui a; Parliamentary Secretary Pu Lt. Col. ZS Zuala leh Mamit District Bawrhsap, SP Mamit leh 4th IR Commandant bakah Official dang ten an tawiawm a ni.

Mamit District Jail Staff te hian Home Minister hnenah an harsatna hrang hrang an tawh te thlenin a rang thei ang bera luah thei tura hmalak sak turin an ngen a, tunah hian Jail Superintendent tiamin Staff 17 an awm mek a, Mipa Ward-ah tang 110 awm theihna niin Hmeichhe ward-ah tang 30 awm theihna tura ruahman a ni.

Minister hian tui Supply emaw Power Supply a harsatna an tawh te chu Mamit District Bawrhsap kaihhruaina in arang lama a kaihhnawih Department te Co-ordination meeting nei tura hrilhin, Jail tangte chu dan bawhchhia leh mi awmtha duh lote nimahse siamthat theih an nih avangin, Reformation leh Rehabilitation Centre pawh a tul anga siam ni se tha a tih thu a sawi bawk. Jail a tlawh zawh hian Mamit District Jail PHED Pump House a tlawh nghal bawk a ni.

Home Minister hi Aizawl lam pan lehin 4th IR Bn. ten Gaurd of honour nen an thlah a ni.